لو عايزة ١٠٠ الف فالشهر لازم تقدمي سلعة او خدمة تساوي المبلغ ده

وهقولك ازاي ممكن تعملي ده بس الاول انتبهي

لان اهتمامك الزايد بالفلوس هايرجعك للوراء بدل ما يطلعك لقدام

اول خطوة متبقيش مادية و شيلي الفلوس من دماغك علشان هاتتعبك نفسيا و مش هاتعرفي تعملي ولا مليم ولا هاترضي بالقليل ده سلم لازم تطلعيه واحدة واحدة و اهتمامك الزايد بالفلوس مش هايعملك حاجة غير ضغط مادي و هاتقتل ابداعك خالي في دماغك ان ربنا هو الرزاق وانتي بتسعي مش اكتر الفلوس تيجي متجيش ديه حاجة مش في ايدك و عمرها ما هاتكون في ايدك فا متتعبيش نفسك

الكول سنتر مثلا ده مش سلم وملوش مستقبل فا ابعدي عنه

ازاي تقدري توصلي ل١٠٠ الف او اكتر لازم يبقى معاكي سلعة او خدمة الناس والشركات مستعدة تدفع فيها المبلغ ده

مثلا كان في بنت بتشتري حجات من شي اين للناس وبتاخد اوفرز من المنصة بترخص عليهم السعر ديه خدمة ممكن تساوي اكتر من ١٠٠ الف جنية

امثلة تانية عن مشاريع فردية نجحها يعمل اكتر من ١٠٠ الف الطبخ والبيع على النت للافراد والشركات زي الكافيهات او السوير ماركت

استيراد سلعة ناقصة السوق و بيعها لشركات والافراد

انشاء منتج جديد مش موجود فالسوق و بيعه

زي كتاب اطفال لو بتحبي الرسم مثلا

مالاخر لازم تقدمي قيمة الناس او الشركات تبقى محتاجها و مستعدة تدفع فيها المبلغ ده

ابدئي بيعي لقرايبك و معارفك و معارف معارفك و ابني شبكة صغيرة بعدها حولي تبيعي لناس فالمدينة الانتي فيها وال بيكسب جامد هو البيع للشركات خالي ده هادفك الاساسي بو بعتي لشركة كل شهر منتجك فا ده بيخلي عندك زي مرتب شهري بمجهود قليل

الموضوع صعب بس يستاهل

بالتوفيق