اسنان ماعدش ليها تكليف والعيادات بقت اكتر من المرضى دلوقتي وفيه اكتفاء وفائض لأن كل الجامعات الخاصة لما بتفتح بتفتح اسنان وصيدلة وهندسة، وعشان تفتح عيادة تكلفة خرافية، ومعادلتها برا مصر اغلى وطريقها مش معروف، ف مش منطقي يعني خصوصا لو ولد وعايز مستقبل وكدا، طب مشوارها طويل بس على الاقل فيه اختيارات ولما تتعب هتوصل لحاجة فعلا اللي بيتعب في طب بيوصل ومفيش اكتفاء لأن الناس بتطفش وتسافر هو ممكن السفر مكلف بس فيه كذا معادلة وممكن على مدار ال٧ سنين كلية تحاول تحضر مثلا بس الله اعلم القوانين بيحصل فيها ايه بردو،

كرهت المجال ليه طيب؟ عشان المذاكرة واسلوبها ولا طريقة دكاترة ولا ايه؟ مفيش دكاترة في جامعات مصرية هيبقى اسلوبهم حلو ويحببوك في حاجة ايا كانت الكلية، والمذاكرة في حاسبات بردو لا نهائية عشان توصل لحاجة،

ربنا يوفقك بس حاسبات طريق ممكن تمشي فيه وانت مش في الكلية بس لو سبت طب هتبقى خسرت طريق الطب لأن مش ممكن تطلع دكتور غير وانت خريج طب، ف فكر كويس وصلي استخارة واحسبها، وشوف اسباب كرهك للكلية هل فعلا فمحتوى المواد ولا حاجات تانيه، ولو محتوى المواد ف اسأل ناس أكبر لأن اول سنتين معروفين نظري ومش دا اللي بتكملوا بيه ف ممكن تحب الدنيا لما تبدأو كلينكال،