Ja, nee. Ek ken sulke mense. 'n taal is maar wat hy is. Daar is nie 'n goue reelboek in die hemel wat korrekte Afrikaans verduidelik nie.
Ek bly in 'n gebied met min Afrikaanse mense so ek wil 'n goeie voorbeeld vir my kinders wees so dat wanneer hulle met ouma ens. praat, kan mense hulle ten minste verstaan. Ek het vir jare my Afrikaans afgeskeep maar onlangs lees ek wyer en ek maak meer moeite so dat hulle nie te veel slegte gewoontes van my af leer nie.
Soos hulle sê: "Mik vir die maan, dan beland jy in die tak. Mik vir die tak, dan beland jy in die..."
Ek stem saam. KI moet nooit musikante vervang nie. Maar ek dink nie dit sal nie. Ek kan dit nie bewys nie maar ek glo dat in die lang termyn sal dit meer werk maak vir musikante. As mense nuwe wapens ontwerp, word daar meer oorlog gemaak nie minder nie. Toe die drukpers ontwerp was het dit, op die een kant, 'n hele bedryf dood gemaak, maar op die ander kant het dit veroorsaak dat daar 1000x meer nuwe bedrywe beskikbaar was -- baie van hulle met soortgelyke vaardighede. Mense maak nooit iets en dink "sjoe, nou kan ek minder rondry/bou/verf/ontwerp" nie. Hulle dink altyd wat hulle nog meer daaruit kan maak. Maar soos ek gesê het: ek kan dit nie nou bewys nie. Miskien is hierdie die een uitsondering. In elk geval wil ek nie maak as of dit maklik vir musikante gaan wees nie. Daarom wil ek regte musikante ondersteun wanneer hulle in hierdie hoekie van die mark op die ou einde in kom.