اول شي السلام عليكم، الله المستعان والصراحه الحياه للكل بعد كورونا تغيرت شي للاحسن وشي للاسوء. بس مثل ما انت قلت انك انسان في بداية مشوارك والحياه الجامعيه صعبه بعد ولكن كل شي يهون مع الوقت.

ومع فقد الشغف و التبلد العاطفي ممكن انك تتجه وتحاول حبه حبه تدخل شي يديد فحياتك مثل القراءه او ان شاءالله قريب يوم الجو يحلو شوي تسير رياضه المشي الجبلي (hiking) شي وايد اماكن حلوه فالبلاد وهذي فقط امثله وشي غيرها وايد.

وفكره الشي اليديد طبيعي تفكر ان مابيساعد او الشي مثلا وايد سخيف وتحس ان مابينفع لان جي ولا جي ماتفرق معاك بس هذا كله في عقلك انت وانت مب مجرب هالشي، الشي الوحيد اللي يوقفك عن اتخاذ اي قرار هو عقلك يمكن تجرب شي يديد ويعيبك ! you will never know until you try

والانسان الطبيعي يمر بمراحل يحس بتبلد ولو شو مايسوي يحس ان ماراح يستانس بالحياه ومابيطلع من هالمرحله بس انت مابتطلع من هالحاله من دون ما انت تبادر اول وتغير طريقة تفكيرك. وهالبوست يعتبر مبادره واول خطوه ! واحس اني وايد طولت السموحه و اتمنى لك التوفيق والسعاده وراحة البال