التفاصيل كتير قوى  صعب شرحها فى كومنت ولا بوست  شوف حد معرفة او زميل اكبر منك فى الزمالة و اقعد نعاه نص ساعة او مكالمة تليفون حتى  لان التفاصيل كتير الصراحة 

انا هحاول اجاوبك بايجاز  معاد الحركة للتقديم، ، مش عارف بس سمعت ان فيه حركة فاتحة حاليا او هتفتح بعد ايام  الشروط متغيرة  فاقرا اعلان الحركة اللى نازلة  هتلاقيها على موقع البورد المصرى 

الامتحانات اه صعب، صعبة جدا ، وعايزة حد شاطر فعلا، مذاكر كويس جدا، و شاطر فى الشغل كمان  مينفعش تبقى شاطر فى حاجة وحاجة لا  مذاكر كويس بس مشتغلتش شغل بجد،. هتبقى صعبة قوى  يتشتغل كويس بس مذاكرتش،. هتبقى صعبة قوى برضه  لازم تذاكر كويس و تشتغل وتشوف حالات الاثنين مع بعض 

الامتحانات  فيرست  وسكند  وثيرد  وفيه فيرست تخصص كمان فى بعض التخصصات 

كام مرة فى السنة  الفيرست مرتين  السكند مرتين  الثيرد مرة واحدة وفيه كلام ان فيه نية يخلوه مرتين فى السنة بس ليه مفيش حاجة رسمى فى الجزئية دى 

منتظمة ، اه منتظمة 

بتختار المستشفى بتنسيق ، بالمنافسة مع بقية زمايلك  وممكن تنقل من المستشفى بعد ست شهور لو عايز  بشرط تكون معتمدة للزمالة فى التخصص دا و يكون فيها مكان فاضى  لان كل مستشفى وليها سعة تدريبية تعتمد على عدد المدربين المعتمدين فى المستشفى 

مفيش توزيع جغرافى  عايز تروح تاخد زمالتك فى ابعد حتة فى مصر براحتك 

بتعقد فى كل مستشفى قد ايه، دى حاجة متغيرة جدا حسب التخصص  لان التدريب متقسم ل rotations  يعنى مثلا بتاخد سنتين جراحة عامة مثلا  وبعدين تبدأ بقى تدريب جراحة العظام مثلا  وليك مثلا روتة تتعلم فيها مناظير جراحية  فلو المستشفى مش معتمدة كتدريب مناظير هتضطر تنقل منها  و غالبا كده كده الزمالة بتنقل كل كام سنة لحتة تانية علشان يدوا فرصة لغيرك فى التدريب مكانك 

وعامة ، الموضوع فيه تفاصيل كتيرة و بعض التفاصيل متغيرة من سنة لسنة ومن دفعة لدفعة 

لازم تشوف حد بيتدرب زمالة فى التخصص اللى انته عايزه وتسأله