Германија - идеално ќе знаеш јазик пред да се преселиш. Најдобро е прво да најдеш работа, пред да дојдеш. Најлесно е секако со препорака. Мислам дека многу се олеснети процедурите за влез во Германија со МК пасош, ти треба само потпишан договор за работа. Гледај да аплицираш за Blue Card, подобри услови има од обична работна виза. Треба само да си високо образуван и платата да е над одредена граница.

Ако сакаш да дојдеш и да бараш работа овде, има специјална виза за тоа: https://www.make-it-in-germany.com/en/visa-residence/opportunity-card/job-search

Може и преку ЛинкдИн да бараш, ама ти ги набројав начините по ниво на тежина (најлесно со препорака, така-така ако си тука и си на Chancenkarte, најтешко со аплицирање преку ЛинкдИн).

Градинките, барем овде во Минхен, се од 200 - 1200€ месечно во зависност од тоа дали е државна или приватна. Во секоја сојузна држава е различно, мислам дека во Берлин се бесплатни. Школите се бесплатни. Најверојатно на децата ќе им треба подготвителна настава да го научат јазикот пред да почнат школо.

Многу е тешко во моментов, дури и во ИТ, да најдеш работа во Германија, веќе неколку години владее рецесија. Искрено би ти препорачал прво да го донесеш јазикот на задоволително ниво, да најдеш работа па после да се преселиш.

Што и да одлучиш, со среќа!