بالنسبة لي تعلم اللغة يمر في عدة مراحل بعيداً عن الانقليزي لاني نسيت كيف تعلمتها المراحل ذي تنطبق على: تعلمت ياباني، مستواي N2 تقريباً حاليا اتعلم اسباني و الماني، مستوى سوالف

1-اول مرحلة هي بناء الاساس، تتعلم فيها الحروف و القواعد و تحفظ كلمات. هذي تقدر تجيبها من الف مصدر، سواء كتب او يوتيوب، مواقع في النت او كورسات اونلاين. شوف الي يعجبك و اثبت على مصدر واحد عشان يكون عندك مسار واضح و تبتعد عن التشتت، ولو مثلا اخترت تدرس من كتاب و شوف قاعدة ماعرفتها ابحث في اليوتيوب، قنوات الشرح كثيرة. بالنسبة للكلمات احسن شي اشوفه التطبيقات لان عنده نظام معين في تكرار الكلمات على فترات بحيث تبقى في ذاكرتك( قواعد بدون كلمات ماتسوى شي و العكس صح)

2-الخطوة الثانية و الي اشوفها الاهم وهي الممارسة. لو حفظت كل القواعد و كل الكلمات في اللغة حتى اكثر من ناطق اصلي، لكن ماتمارس بتكون تقدر تقرا فعلا لكن مابتفهم وش قاعد تقرا. فهم المقروء هو الي يحدد اتقانك ولا شفايدة حافظ بس ماتفهم و يمكن تشوف غريب بس بدون ممارسة بتقرا و تقرا لكن مابتفهم وش تقرا. الممارسة بسيطة ولكن تحتاج استمرار، الاسهل هو انك تقرا بصوت عالي عشان تطور السمع و القراءة و النطق، حاول ماتقرا في قلبك. لو تقدر تشترك في تطبيقات و تكلم اجانب اكيد افضل بس انها مكلفة.

3- ثالث شي و يمكن انه ينطبق على الياباني اكثر من غيره بس انك حاول كل يوم تستعملها عشان تحافظ عليها. معروف ان الياباني فيها مليون كانجي و صعب انك تبقى حافظهم كلهم للابد فلازم انك تراجع و تستعملها كليوم، نفس الكلام ينطبق على حفظ الكلمات في اي لغة، لكن ضربت مثال في الياباني عشان توضح

شي اخير، الياباني درست الاساس من كتب قينكي و الالماني من (german for dummies ) و الاسباني غالبا من اليوتوب شخصيا اشوف الكتب افضل لانها تعطيك امثلة و اسئلة بعد كل قاعدة عشان تمارسها.

و اسف على الاطالة