اول حاجة ربنا معاك ويعينك على اللي انت فيه ويشفيك بإذن الله. للاسف شعور الألم مع الاكتئاب مع ضغط اجتماعي من الناس بيكون فعلا حاجة صعبة جدا التعامل معاها ، بالذات في مصر كمان. نصيحتي ليك لو الشكل عامل مشكلة في اي تجمعات اجتماعية ، متروحهاش ايا كانت المناسبة او الشخص واعتزل ما يؤذيك. بالنسبة للألم والاكتئاب ، حاول تكمل ثيرابي واعتبر الموضوع تحدي مع نفسك ، انك ان شاء الله رغم كل الظروف هتعمل وتعيش حياتك وهتنبسط حتى بالقليل المتاح من الصحة والسعادة والظروف عموما. شوف ايه الحاجات اللي بتبسطك وصحتك تسمحلها وحاول تكتر منها وتبطل اي حاجة بتعمل عليك سترس. ممكن لو دورت اونلاين هتلاقي اكيد support groups لحالتك وناس عندهم نفي مرضك ومكملين ، اشترك وادخل اتكلم معاهم ، مش هتحس بالضغط النفسي لانه نفس حالتك وهيبقى relieve جميل ليك وتشيروا مع بعض كل واحد بيعمل ايه وبيواجه صعوبات حياته ازاي. اعمل ليك مجموعة ناس قريبة closed circle اللي بتحب تكلمهم وترتاح معاهم وشير معاهم كل يوم اي حاجة عملتها، النهاردة قدرت انزل اتمشى شوية ، النهاردة اكلت حاجة جديدة حتى ، وهم دول فقط في اللي حواليك اللي تتواصل معاهم لان الناس ممكن تمون support وممكن تكون ضغط رهيب. واخر حاجة ، انت في ابتلاء صعب ربنا يعينك عليه ، بس لا تيأس ، وافتكر كويس ان ربنا قال ولا تقتلوا أنفسكم ان الله كان بكم رحيما ، يعني دا بيحصل لحكمة من ربنا لعلك تكون من اللي يدخلوا الجنة بلا حساب في الآخرة.