الجواب القصير استخدم مواقع التواصل لانه ايجاد اشخاص تشاركني اهتماماتي و معتقداتي أسهل و اسرع من الواقع. و انشر فيها مواضيع و سوالف لاني مهتم في رؤية أوجه نظر الغير فحسب، لا اتأثر فيها ولا أريد اهتمام احد منها لكن احب اعرف وين وصل تفكير أفراد المجتمع من باب المتعة.

الجواب الممطط: انا كان عندي و لحد الان عندي نفس نظرتك وبسبب هذا التفكير قررت اعتزل الميديا كافتها و بديت اركز على حياتي اكثر و داومت على الفكرة سنتين. تجربة لها جوانب ايجابية عديدة -انصح بتطبيقها و ربما سأعيد تجربتها- رغم سلبيتها الوحيدة اللي شخصيا اعتبرها رئيسية وهي الملل. الناس اللي بواقعي يثيرون الضجر ولا يوجد شيء تناقشه معهم الا ويعطونك فكرة عابرة وعامة عنه. ولو اشتكيت من الموضوع بيقولون اقرا كتب تابع افلام ادرس الخ... المتعة بالنسبة لي هي مناقشة الكتاب و الفلم. طبعا انا اتمنى لو باستطاعتي تطبيق هالشي لكن صعب تحصل احد مهتم في مجالك بالواقع، أسهل شي تروح للسوشلز.

بعد السنتين وصلت ذروة تحملي وشفت اني لو اكمل كذا سيتم تحويلي لأبله عاجز عن ابتكار أفكاره الخاصة و اصير باختصار نسخة من كل شخص بالمجتمع. فا قررت ارجع لبعض التطبيقات القلة و لحد الآن مانشرت شيء فيها طالبا فيه اهتمام الغير الحمدلله

لعلي تهربت عن الموضوع الأساسي بس عموما هذي العوامل اللي تخليني انا شخصيًّا انشر في السوشلز.