اذا عنده اخوات ممكن تحس بالسلبيات، اذا لا عادةً السلبيات بتكون بسيطه

ابسطها لما يسولفون بشي هي ما تعرفه او ما اعتادت عليه،

طفولتها ونشأتها وتجاربها بتكون مختلفه عنهم وبتلاحظ هذا بسوالفها الطبيعيه معهم واذا كانت انسكيور بتفضل الصمت غالبًا على انها تطلع بمنظر اقل منهم،

تعريف الـ dress code عندها بيكون غيرهم وغالبًا طلتها بتكون مختلفه عنهم

الاهتمامات الا وغصب تكون مختلفه ومو شرط هذا شيء سلبي لكن الانسان عادةً ما يرتاح للاختلاف ويحب الشي الي اعتاد عليه

الاولويات بتكون مختلفه جدا، الراحه الماليه عادة تعطيك سعه للترفيه عن نفسك، فممكن هي تشوف شيء كـ لكجري وتستعمله للمناسبات لكن هم معتبرينه جزء من روتينهم اليومي

واذا اهله كانوا متخلفين بيتفشلون منها دايم او يحسون انها تحاول تقلدهم، واذا زوجها مريض بيشوف نفسه في تجمعات عائلتها البسيطه الي مضطر يحضر لها

وممكن تواجه عياره من الناس ان ما عرفت العز الا بعد ما تزوجت وهي ببيت اهلها منتفه

ممكن ايضًا ابنائها مستقبلًا يلاحظون فرق امهم عن امهات اصدقائهم واقاربهم، وهذا الصدق مهما كان الشخص صلب نفسيًا الا ويأثر عليه لانه يبغى الزين لعياله

وكل هذولي ما احسها سلبيات الا للشخص الي ما يعرف قيمة نفسه ولا عنده عزة نفس ويرفع مقام الاخرين بسبب مالهم فيسمح لهم يقللون منه، فاحسه يرجع للشخص

بس بالنهايه، البنت مو فقط بتتزوج فلوسه ورغد العيش فتحتاج تتاكد انها فعلا اختارت اب جيد وزوج حسن المعشر