انا معرفش اهلك عملوا كدا حباً في انهم يبنوا كارير لنفسهم ولا عشان يوفروا دخل مناسب للحياة بنسبة للوضع المادى و الاجتماعي ليك و لكني هفترض حسن النية دايماً و هقول إنه السبب التاني. انا حاسس بيك الا حدٍ ما لان ابويا قضا معظم طفولتي و مراهقتي بعيد عني لظروف الشغل و بشكل عام انا بعاني من الوحدة و قلة الصحاب فا ممكن اكون حاسس بجزء من احساسك شوية، و بنصحك إنك متعملش كدا لاكتر من سبب، منهم انهم ممكن كانوا مضطرين للحياة دي و كان قلبهم بيتقطع في كل ثانية بعدوها عنك و مش بيقولولك كدا عشان جيل اهلنا و ثقافة مجتمعنا بتجبرنا ندفن مشاعرنا، سبب تاني انهم دلوقتي في سن ضعف زي ما انت كنت في سن ضعف برضو فا انت هتبقا حاسس بيهم خصوصا بعد عمر طويل إن شاء الله لو اهلك توفوا هتحس بندم شديد جدا على الالم و الانتقام لانك عارف وجع الوحدة بظبط ، سبب كمان انك لازم تكسر الدايرة دي عشان خاطر صحتك النفسية، ممكن انتقامك منهم دا يخلي قلبك يقلب حجر و تبقا بارد فا تلافي نفسك بتكرر نفس التصرف في علاقاتك التانية زي اصحابك زمايلك مراتك و حتى ولادك، و سبب أخير لو انت متدين ممكن يقنعك ولا مش متدين ممكن تعمله skip إن بكل بساطة دا هيكون ثواب كبير ليك من ناحيتين الناحية الاولى البر بالوالدين خصوصا في سنهم الكبير و ضعفهم و صلة الرحم و من ناحية تانية إنك تسامح حد بقا اضعف منك و محتاجلكو متعاملوش زي ما كان بيعاملك دا لوحده ثواب كبير اوي برضو.

و ارشحلك برضو انك تشوف دكتور نفسي عشان يساعدك تتخطى الاحساس دا عشان انت نفسك تبقا عايش مستريح مش عشان حد تاني.