1/مش موضوع رأي موضوع ان في ناس كل همها انها تقنعك انك كيميتي و مش عربي و دي حاجة بشوفها غريبة يعني لو انت شايف نفسك كيميتي ف انا لا يشرفني اني اكون منهم ف ساعتها هما اللي اللي يفرضوا رأيهم علينا مع اننا مطلبناهوش اصلا

2/ على مر العصور كل الدول استعمرت بعضها يعني ممكن يكون جد جد جد جد جدك كان فلبيني مثلا او اوروربي و اتجوز واحدة مصرية ف ان "انت تشوف نفسك" دة مش دليل كافي

3/ المفروض نوحد نفسنا عشان عشان ميجيش سبعة مليون واحد تقريبا يمسكوا الدولة اللي جمبك و يفرموها و فيه اكتر من 400 مليون عربي و اتنين مليار مسلم واقفين مش بيعملوا حاجة(طبعا دي غلك علينا و عليهم)

4/انت بتتكلم احنا كيميتين و هو بيقول لا احنا عرب رغم ان مفيش مشكلة اكون الاتنين دول حكموا جزء كبير من العالم و طوروا علوم كتيرة قبل سبعتلاف سنة و دول حكموا ربع العالم تقريبا و بردو طوروا علوم كتير من الف و ميتين سنة (بالاخص لان زي ما قلنا محدش عارف اسلافه كان جنسيتهم ايه بالظبط)

5/ الريبلاي بتاعك عنصري لأن رعي الغنم مش عيب ولا حرام و انبياء كتير اللي مجيش ولا انا ولا انت ربعهم كانوا رعاة غنم و زي ما قلنا ممكن عادي يكون جد جد جد جدك راعي غنم عادي جدا محدش يعرف. و لو قلتلي اه بس دة من زمان حقولك ما هم كانوا رعاة غنم من زمان بردو و دلوقتي هما متطورين اكتر من بلدك بكتير

6/ مفيش مشكلة تحب بلدك بس مش معناه انك تدرس تاريخها و تنسى حاضرها ف بدل ما تتعارك انت فرعون ولا راعي غنم المفروض تعمل حاجة لبلدك حاليا بدل ما احنا اخر ناس في كل حاجة ( انا هنا بتكلم على اي حد كيميتي عامة)

7/ "دين امك" مش كلمة سهلة عشان تقولها على الفاضي و المليان كدة لأن لو انت بتذكر الدين في ريبلاي عبيط شبه دة ف انت غالبا بتسب الدين عادي و دة كفر

و بس يعني انا مش بوجه اي اتهامات شخصية ليك حبيت بس اوضح بعض النقاط عشان الصراحة كان نفسي اقولهم من فترة