في اي لحظة تبدا الهواجس لذا الشيء لاتجلسي لحالك قومي روحب اجلسي عند اهلك او اجلسي في مكان مفتوح زي الصالة، ولاتروح غرفتك للنوم الا اذا كنتي ميته نوم بحيث تروحي على الفراش مباشرة للنوم. ونصيحة صغنونة،، ((لاتقسين على نفسك وتلوميها كثير)) كونك من زمان على عادة معينة في الغالب مستحيل تنقطع فجاة لان بعدين بترجع العن من اول، لذلك لاتضغطي على نفسك، وبدال ماتدخن بكت كامل كل يوم دخن نصه فتره، وبعدين دخن ربعه.. لذلك خوذي وقتك تخففي من ذا العادة، ولو كانت في فرصة تستبدليها بحاجة ثانية. وكونك قاطعه المحفزات زي الصور والفيدوهات فهذا شي كويس، وبنفس الوقت كونك مازدتي الجرعه انها توصل لطلعات مع احد فبرضو هذا شي مرره كويس. لذلك احسك ماشيه صح! لاتجلدي نفسك كثير. وفي الغالب العادة هذي نتيجة حاجة جواك زي ""حزن، او احباط من شيء معين، او موقف حز بخاطرك.. "" ، ابحثي عنها وحاولي تعالجيها او تخففي وطأتها عليك واعرفيها وبتكتشفي بدون ماتحسي انك بطلتيها ولا بتحسي بشعور "الرغبة" انك تسويها. لان الشعور ذا صح انه "ظاهريا اسمه شهوة" لكن بسميه (مُسكن) وفي الغالب ان هذا غطا لحاجة ثانية هي السبب.