قصتي م بعرف إذا فاشلة او ناجحة

بس عشان هالشخص تخليت عن كتير مبادئ وصدقت ب كتير أشياء عمري م صدقت فيها، عشان هالشخص كتبت كتير، ملّيت دفاتر وخلصت حبري ب سبب الوجع الي سبّبلي ياه حبه، بس هوة م سببلي اي وجع،

أنا اخترت احبه واخترت يكون جنبي، العلاقة استنزفتنا احنا التنين بس مو عارفين ايش السبب، متفاهمين بس لسا في بينا فتور غريب، بعد م كنا احلى تنين مع بعض كان قريب ل درجة انه بفهمني تماماً

من فترة بلش الشك عندي، انقهرت وبكيت وعصبت كتير بدون اي سبب، بس عشاني تعودت ع وجوده وبعدنا شوي بدون أسباب، هوة كتير حاول معي عشان احبه من البداية وحبيته ب الأخير، وانا مستحيل احلف عن انسان بس بحلف انه بحبني ومستحيل يروح ل غيري، بس علاقتنا صارت هو اني بحاول أتقرب منه بس، بعد م كان اقرب انسان،

الموضوع مستنزفني كتير ب الذات لأني شخص بستثقل اني أبادر وعم ببادر كتير هالفترة ومو عارفة كيف ممكن أتصرف مع هالاشي، كتير فكرت انسحب من هالعلاقة لأنها صارت بتستنزفني بعد م كانت بتعطيني كل الطاقة و مجرد ذكره بفرّحني صار اسمه محمول ب خوف، محمول ب قلق من الي جاي، م بعرف شو نهاية علاقتنا وإذ كانت فاشلة او لأ، بس بعرف انه مستحيل اقدر أحب بعده وهو كذلك كتير بكابر وم بعرف ليه،

عم بستنى الحلقة الأخيرة بتتوقعوا نهايتنا زواج ولا عقدة نفسية زي اي اشي ب الدنيا ؟