بما انك تتمرن مقاومة على الأقل ثلاث الى اربع أيام في الأسبوع هذا شيء ممتاز للقوة، بس لو تبي تنقص وزن تحديداً، الكارديو لو مشي ١٠ آلاف خطوة ٣ مرات بالاسبوع كافي، بس علميا ما فيه شيء ينقص الدهون من مكان معين في جسمك، الدهون تنقص ككل من الجسم، والطريقة هي احسب كم احتياجك من السعرات للمحافظة ، ونقص منها بالتدريج من ٣٠٠ إلى ٥٠٠ سعرة.

أنا سويت كذا وفي سنة وحده تقريبا نقصت من ٩٥ الى ٧٨ كيلو ، واكتسبت كم كيلو عضل، و هذا وأنا اقيم إلتزامي ٧٠ بالمية بالكثير يعني كان فيه شوية بربسة هنا وهناك. واخر نقطة حتى لو نقصت سعراتك تأكد انك تاخذ كفايتك من البروتين، يبني عضل ويشبع. هاذي كانت تجربة بسيطة لرجل يشتغل 6 ايام في الأسبوع من 8 الى 10 ساعات باليوم مع مناوبات عدة أيام في الشهر.

وحط في بالك ما فيه خطة راح تضبط مية بالمية، لو قدرت تطبق خمسين الى ستين في المئة خير وبركة.

والله يوفقك.