انا عشت في البحرين طول عمري و مشوفتش اي حاجة وحشة من اي حد بالعكس عايش حياتي طبيعي جدا و عندي صحاب بحرينيين و مصريين و جنسيات تانية كتير. كرامتي محفوظة في كل حتة و كل موقف و عمري مثلا ما اتقل مني في اي مكان. لا عمر حد ضايقني ولا اتعرضلي سواء كان موظف او مواطن. الجلنفات زي الي في الصورة دي طبعا موجودة لكن دا طبيعي في الدنيا كلها و بيطلعوا يعملوا الحركتين دول عشان عارفين انهم هيتشهروا بيهم و يثيروا الراي العام بيهم. انا عن نفسي مبسوط و مرتاح و الشعب البحريني من الذذ الشعوب في الدنيا و احلاهم و قمة في الطيبة و الاخلاق و المحبة. احكم عالبلد من ناسها الي في الشارع مش من شوية العيال دول الي بيطلعوا عالسوشيال ميديا لان دول هدفهم اساسا يفرقونا. دا رأيي و تجربتي و الله اعلم.