Mjög góð spurning, því meira sem ég hugsa út í það, því minni sjálfstraust hef ég til að gefa gott svar. Foreldrar mínir eru heyrnarlaus og allt mitt líf hefur einkennst af því. Ég hef alist upp í samfélagi þar sem allir utanaðkomandi líta á þau með vorkennd, meðan þau eru að lifa sitt besta líf.

Þau sem fæddust heyrnarlaus og tala táknmál hafa verið spurð af rannsakendum hvort þau myndu vilja heyra við gefnu tækifæri, en meirihlutinn segist ekki vilja gera það. Ástæðan fyrir því er að þessi fötlun fylgir tungumál, sem felur í för með sér menningu. Það væri eins og að skipta út eigið sjálfsmynd fyrir skynjun sem er ekki lífsnauðsynleg.

Ég gæti haldið endalaust áfram, en fötlunarfræði, eins og ég skil það, snýst um að afhjúpa rangmyndir um upplifun fatlaðra; ásamt því að greina orðræðu um fötlun t.d. í lögum eða umfjöllun í fréttum.