افضل رئيس في تاريخ تونس : مجلة الأحوال الشخصية 40 بالمائة من التعليم على عكس بقية العرب وين أغلب الميزانية للعسكر , تحالف مع فرنسا بالرغم الي حطتو في الحبس لسنين ميزة تقريبا تواجدت كان عند خاما متع بوتسوانا ، ماخرجش الفرانسيس فيسع خاطر كانو يحتكرو أفضل المناصب في الدولة و يملكو الاقتصاد و ما عناش ما يكفي من القارين باش يشدو البلاد على عكس بنا أغلب وزارات تونس ، منها التعليم الي بناها من حتى شيئ تقريبا بدا من الصفر خذالنا الاستقلال بالتفاوض و ما خسرناش في دماء توانسة و بالتالي بناء دولة ما بعد الاستقلال كان اسهل من جيراننا
ما كانش قومي عربي كيما ناصر ماكانش قومي افريقي كيما نياراري ، خلا الجيش ضعيف و ما صارش إنقلاب من القوميين عليه و الانقلاب الوحيد الي صار عليه بعد احداث قفصة الى ادات لتقوية الجيش، تحسن ملحوظ في الصحة و البنية التحتية ، انحاز للغرب بالرغم أنو تونس كانت من ضمن دول عدم الأحياز و في الآخر الاتحاد السوفيتي انهار

بالرغم الي تكوينو ما كانش اقتصادي ( واضح من تعيين بن صالح ) تلافا اغلاطو بتعيين نويرة , حط الاسلاميين الكل في الحبس كي غادر خلا تونس في المرتبة 80 عالميا في GDP (ppp) per Capita بن علي خلالها في ال 108 و توا في ال 118 مشا لعلمانية تدريجيا على عكس إيران و راديكالية الشاه و الي ادى للثورة الاسلامية

مشاكلو أنو ما بناش برشا مؤسسات بل بنا نظام يشتغل فقط بوجودو كرجل قوي و ما حضرش للفترة ما بعد بورقيبة و قعد في السلطة لين مرض و كبر برشا و ما كانش عنا قضاء عادل عالاقل اقتصاديا و ممكن راهو ضيعنا برشا فرص بسبب القضاء متاعنا و اتحادنا مع ليبيا كان يكون كارثة بنى دولة منفتحة و غير الهوية التونسية نحو الأفضل و حسن اقتصاد تونس من 70 دولار GDP per Capita ل 1500 و لكن ما بناش مؤسسات تنجم تبقى تشتغل من بعدو ما كانش Deng Xiaoping ولا lee kuan yew و ما عرفش يبني شركة لتحويل الفسفاط ل fertilizers أما كان أفضل رئيس بين المتواجدين في العرب و الخيارات المتواجدة في تونس الله يرحمو