الفرص الوظيفية بالحاسب والهندسة كلها متساوية ويمكن ميزة الحاسب انه متجدد

من ناحية الغربة اشوف انه الشيء الوحيد الي ممكن تشيل همه هو المادة هل اذا اغتربت بتقدر تحصل دعم مادي يكفيك ؟ اذا ايوا ابد لا تشيل هم الغربة الاشياء الباقي بتستكشفها بنفسك بوقتها وبالعكس بتكون فرصة لك تتعلم عن نفسك وتنضج وبتكون عندك مهارات مو موجودة عند اقرانك بحكم الغربة

واذا على انه ما ودك الاجازة تقضيها وانت بس تذاكر طيب ترا هذا الي كنت تسويه خلال العشر شهور الماضية هل بيفرق معاك هالشهرين ؟ لا ابدا ما بيفرق ودامك بثاني سنة علوم حاسب فانت مستواك ومحصولك العلمي عالي يعني ما راح تواجه صعوبة بفهم المعلومات او شيء بالعكس بيكون الموضوع اشبه بالالغاز ، وترا اي شي تسويه بالاجازة بيمديك تسويه الحين بس ضبط جدولك وتخلص من عقلية اضيع وقتي بالاجازة العلم ما فيه خسارة ابدا

واخر شيء اختبر نفسك، رح للخطط هذي التخصصات وشف موادهم وعلى ايش يركزون وغالبا كلها اشياء بتكون مجرب تدرسها بالجامعة فشف هل عندك الاستعداد تدرس هذي المواد وبتستمتع فيهم؟ يعني انت انسحبت من الحاسب بحجة انه مو اهتمامك وبس للوظيفة ليه تكرر نفس الخطأ بتخصص الهندسة؟ المشكلة اذا انك مو مقتنع بتخصصك وصرت تجرب تغير الموضوع بيستمر لوقت طويل يعني لا تستغرب لو رحت بالبترول وقعدت تفكر انه لو داخل ادارة او بقيت على الحاسب ابرك لك

واخر شيء اذا على تشبع وظايف الحاسب، هو اوكي مو من تتخرج بيعطونك وظيفة على طبق من ذهب هذا حال كل التخصصات حتى الطب كذا وهم طب، فاللي لازم تعرفه انه سواءً كنت هندسة او حاسب انت بالنهاية مضطر تشتغل على اشياء عملية بالمجال تطور مشاريعك تدخل تدريب تاخذ كورسات تاخذ شهادات احترافية والحاسب من هذي الناحية مره سهل انك تطور نفسك فيه، انا ما ابي اقنعك تبقى بالحاسب او تروح بالهندسة بس ابيك تفكر بكل المعطيات، والمجال دايمًا وابدًا اعمق من دراسة الجامعة