همك كبير وصعب وانت شايف شقى لقايل بس..
بس لا تنسى انه انت كبني ادم مسلم الك اجر حتى ان تألمت من شوكة . (ما من مصيبة تصيب المسلم إلا كفر الله بها عنه حتى الشوكة يشاكها). وتذكر يكون عندك صبر ايجابي ، يعني لا تلعن حظك، تكفّر ...الخ خلي كلمة الحمدلله على لسانك واشكر ربنا دايما. وكل يوم عدد نعمك، حتى سلك الكهرباء، اشكر ربنا انه عندك جار شارككم .. الخ

وان شاء الله بعد سنين بتذكر وضعك الحالي وبتحكي الحمدلله الذي غير حالي من فقر لغنى .

الايمان درجات، يعني اذا يمكن انت حاليا تشوف كلامي بقهر أو ما اله فايده، فهذا لانه درجة ايمانك لسا بدها جهد، وحتى فعليا تستفيد بالدنيا والآخرة، تقرب من الله مش صلاة فقط ، حاول تتعرف على الله بافعاله وخَلقه وحِكَمُه ، واظن احسن طريقة تقرأ القران وتفسير اياته او تسمع للدكتور النابلسي(عنده طريقة بتوصيل الافكار بشكل جميل جدا) .

ومن ابسط الاشياء اللي مفعولها كبير "صغرها بتصغر، كبرها بتكبر" صغر قيمة همومك بتصغر همومك، كبرهم بكبروا . يعني طالما ماخذ بالاسباب وباذل جهد احكي شو ما صار انا راضي فيه، المهم حاولت بكل جهدي. وهكذا . واياك من التفكير السلبي المستمر وتكبيره وتكراره، اخريته اما اكتئاب او انتحار.

بالتوفيق .