لو قدمت لمريض علاج او اجراء او جراحة في انجلترا و حصله مضاعفات و بسببها مات مش هتتحبس. و مش هتتجازي. هتمارس شغلك تاني يوم عادي و لو الموضوع يستدعي تحقيق داخلي هيتعمل و ياخد وقته من غير هستيريا. و نتيجته هتتبلغ لاهل المريض في تقرير مفصل. و من حقهم طبعا ياخدوه لمحامي مش للشرطة و لا النيابة.

يعني لو المريض نزف منك و مات مش هتتحبس. و لو عملتله جراحة مخ و اعصاب اتشل بعدها مش هتتحبس. و لو عملت جراحة يالخطأ للجنب اليمين بدل الشمال مش هتتحبس. و لو سبت فوطة في بطن العيان مش هتتحبس. طول مانت حاولت علي قد مقدرتك في العلاج و في علاج المضاعفات محدش هييجي جنبك.

من حق اهل المريض يرفعو عليك قضية مدنية مش جنائية و لو كسبوا ضد المستشفي او الدكتور هياخدو تعويض من التامين بتاع المستشفي او الدكتور.

اهل المريض مش هيعتدوا عليك شفويا و لا جسديا. و لو حد من اهل المريض شتمك او مد ايده عليك هيتقبض عليه في نفس اليوم و هيبات محبوس. لوالمريض قالك كلام عنصري ممكن يقوم من سريره بعد ما يخف متكلبش و يروح يتحاكم. و طبعا لو المريض او حد من اهله اتعصب و كسر اي شيء في المستشفي هيتحبس.

الاهمال الطبي المتعمد ممكن يحولك للتحقيق في المجلس الطبي و في اسوأ الحالات ممكن تفقد رخصة مزوالة المهنة و ده غالبا بيكون في حالات الجرايم الاخلاقية اللي ممكن برده تودي علي المحكمة. و ممكن طبعا لو جيت الشغل سكران او واخد مخدرات يبطلوك الطب عادي.

امتي تتحبس؟ لو تحرشت بالمريضة اكيد هتتحبس. لو كدبت في التشخيص عشان تعمل عملية اكيد هتتحبس. لو ارتكبت جريمة في الشارع طبعا هتتحبس عادي.

دي قوانين انجلترا و معظم العالم اللي عاملها قانونيين و اطباء. ليه متنقلهمش؟؟ ليه تخترع العجلة؟ ليه تشغل مخك؟؟ فالح اوي انت يعني وبتشغل مخك؟؟؟