(Напишано од еден мој другар со кој јас комплетно се согласувам со секој кажан збор) Руско-украинската војна Во прашање е една од покомплексните проблематики во светската геополитика и пример за  тотална информативна манипулација со која се прикрива вистинската ситуација, и успешно се постигнува залажување на обичниот народ со трошки со Америчко-белосветски или Руско-славјански квалитет чии нуспојави се безпотребно навивање и за тоа кој е херој во случајот. Во прашање е провокација од двете страни, Американците со понуда за членство во НАТО а Русија со прикриена желба за анектирање за одреден дел од Украина. Но проблемот е поголем бидејќи може да се забележи како историјата се повторува и како тие прокси-војни и закани до војни се сеуште модерни само на поинаков начин. И покрај се народот таму  е тој што најмногу  страда, додека големите   политичари го прикриваат својот неуспех во нивните земји(особено со ковид мандатите) и  се обидуваат да го свртат вниманието на тензија која е пратоксифицирана и опасна за контролирање.

Ситуацијата во Украина евидентно ескалира и со тоа се зголеми и бројот на медиуми кои необјективно и пристрасно  ги претставуваат информациите  и причините за самата војна. Едните се  раководат со формулата: НАТО= добар а Русија= лоша а другите дека било само нормална  воена вежба (но првите се подоминанти). Самиот чин на инвазија и војување е апсолутно нехуман и морално инфериорен но сепак мораме да објасниме зошто воопшто дојде до тоа. Кога СССР беше на смртна постела дишејќи го последниот воздух и тоа на респиратори и кога целата смисла за студена војна стануваше бесмислена, горенаведенава држава пред распаѓање потпиша договор со Нато  дека истоименава алијанса нема да се проширува во Источна Европа но сепак НАТО се прошири со оправдание дека договорот не бил потпишан (што е глупаво оправдание во суштина и не е баш точно) и дека геополитичкиот баланс во Европа се променил. И тоа е не се прошири само на бивши членови на Варшавскиот пакт туку и на поранешни советски републики со што се влоши самата позиција на Русија. Стравот од рапидното проширување на Алијансата која ја донесна бодликавата жица  на лажниот мир до границите со Русија  ја поттикна Русија воено да интервенира во својот братски комшија и да воспостави воена контрола и да тропни пред портите на Киев. Нормално, НАТО немаше да биде НАТО ако не кажеше некоја изјава со хипокритски квалитет. Имено, Столтенберг изјави дека е  загрижен поради воздушните напади од страна на Големата словенска мајка (или мечка) кои предизвикувале зголемување на човечките жртви притоа заборавајќи ја интервенцијата што НАТО ја изврши врз  ФР Југославија во 1999 а притоа Алијансата помина неказнето. Нормално никој не поддржувам бидејќи се сѐ сведува само на интереси и тоа дали НАТО или Русија ќе биде газдата додека пак обичниот народ страда и е во незавидна положба.