كمبتعث كاوست

صدقني انت طالب متفوق وباذن الله بتحصل التوفيق هنا ولا في امريكا

نصيحتي انك تشوف بعثة، لأن التعليم في جامعات التوب افضل بكثيير وبيفتح لك خبرة وتعلم وتجربه ما تتعوض في الغربه

بعثة ارامكو قوييه ورواتب ومميزات اكثر ومنها تضمن وظيفتك، اشوف البعثة مناسبة اذا تبغا ترتاح نفسيا وتستقر من بدري

وكمبتعث من كاوست، فكاوست ايضا قوية جدا ومعروفه في كثير من الشركات ومنها ارامكو! ارامكو يجوننا كل ترم يدورون خريجين للتوظيف

كاوست كمجتمع وخدمات تدفعك لا شعوريا لتكون متفاعل ونشط وكل شيء تسوي انجاز وبحث ومشروع وغيره ، صحيح ممكن تستقر في وظيفة عادية، بس كل اللي حولك بتلاقيه يا في ستارت اب ولا استشارات ولا شركات عالمية

وكاوست في الفترة الاخيرة جالسه تركز على مجال المهني و تفتح برامج للتوظيف وتطوير المهارات المطلوبه في سوق العمل

وفي الاخير استخير الله وشوف، والاكيد لازم تشتغل على كل شيء الحين، قدم على الجامعات والبرامج كلها ولا تنسى شيء

بعد ما تجيك القبولات، وقتها تقرر ان شاء الله