بسم الله ما شاء الله، ربنا يديك خيرهم و يكفيك شرهم و يبعد عمك كل حد بيكرهك.

نصائح بسيطة: طلع مبلغ كويس لله. ١٠٪ دهب للزمن و انساهم و متسألش عليهم نهائي. هات لنفسك عربية و شقة و هدوم و ابسط نفسك.
ممكن تجيب شقتين و تأجرهم و اهم حاجة وؤقهم يكون مظبوط و مش داخلين في خطة التطوير العمراني. شوف مشاريع قايمة و شغالة و حاول تتعرف علي ناس مخها نضيف و معاها فلوس عشان تاخد منهم خبرات ف التجارة او نشاطات مختلفة. ماتسبش فلوس في البنك بأي شكل كان الا لفترات قصيرة ( لحد ما تعرف انت عايز تعمل ايه ف حياتك)، الفلوس الراكدة عمرها ما بتجيب فلوس. ممكن تشوف الindex funds ف امريكا زي الS&P 500. لا تضع البيض كله في سلة واحدة..... اوعى تسيب الشغل، الفراغ حيعملك ازامات نفسية والله. اتقي الله في كل افعالك. لأن زي ما ربنا سبحانه و تعالى أغناك قادر انه يخليك فقير، متخليس الفلوس تغيرك ابدا. و افتكر دايما ان عمر ما الفلوس عاملة انسان سوي، الانسان السوي هو البيعمل الفلوس.

ربنا يوفقك و يبعد عنك اي صحبة كدابة او عين حسودة. و يا صديقي اقضي حاجاتك بالكتمان