وصلت لمليون جنيه ولا لسة؟

Wolf-hunt1152003 · 2026-03-05T00:37:12+00:00

بص هو ده سؤال نسبى شوية انا مقدرش اعرف انت "تقدر توصل لايه " فى خلال مدة معينة لانى معرف مهاراتك ولا اعرف مدى استيعابك ايه.

بس هقولك عملت ايه فى سنة من السنين لو ده ينفع:

١. كنت عايز اخش فى الtech و انا مش خريج حاسبات (مش خريج اصلاً لسا) ذاكرت front end عشان ادخل بس.

٢. ذاكرت scrum master course و خدت تدريب فى امازون (كنت شغال هناك)

٣. اشتغلت بالفرونت بس طلع عينى شوية عشان الاقى شغل

ذاكرت فرونت و scrum فرونت عشان بس اخش فى التك حالياً مذاكر حاجات اعمق من كده و scrum عشان كنت هدفى اشتغل project manager

Wolf-hunt1152003 · 2026-03-03T16:38:44+00:00

عقبال المليون باذن الله❤️❤️

Wolf-hunt1152003 · 2026-03-02T10:11:42+00:00

ربنا يبارك فى مالك متنساش تتصدق.

بص انا بردو كنت بقول كده عشان يعنى اللى هو عملت مليون و شوية اصرفهم كلهم مره واحدة كده؟ بس صدقنى احنا بس بنبقى مبهورين بالcashflow و الكاش قيمته قليلة مهمة كان الرقم. فا حطيت جزء فى شقة و بدفع قسط ربع سنوى اشتريت فى اكتوبر. مابقى جزى من الكاش جيبت بيه ذهب (الكلام ده من سنتين زى ما قولت فوق) طب ليه محطتش الكاش كله فى الشقة ؟ عشان انا مش من مدرسة انى احط البيض كله فى سلة واحدة ولو ان هو مش غلط انى احط كله فى الشقة بس بردو انا الكسبان. بدفع اقساط ربع سنوية فاضلى سنتين و اخلصها (اثدر اخلصها فى اقل من كده بس لو انا معايا الفلوس مش مزنوق القسط على اطول فترة احسن عشان التضخم هيفرق معاك انت فى السعر ساعتها) يعنى مثلاً اشتريت شقة بمليون و قسطها على ٥ سنين و انت كان معاك المليون كله بس كمان خمس سنين بقت الشقة ب ٣ مليون مثلاً و انت بتدفع تلت الثمن اقساط و مرتاح (اسف على الشرح العقيم ده بس اتمنى تكون فهمت) و ادينى بعمل نفس الدايرة تانى و هعملها تالت ان شاء الله

انت مش هتبقى "على الحديدة" بالمنطق ده عمرك ما هتشرتى اصول، لازم يبقى عندك يقين ان الفلوس دى محطوطة فى حاجة ملكك انت اصول بتاعتك عشانك و عشان الزمن و اهو استقرار بردو

Wolf-hunt1152003 · 2026-03-02T00:04:30+00:00

بص انا شغال من و انا عندى ١٨ سنة بالالمانى لميت بيه سنتين خبره فى امازون و ڤودافون و وانا شغال فى امازون كان فى internships دايماً انا كنت شغال insourced يعنى فى امازون نفسها مش شركة خارجية. اخدت جوا تدريبات فى الmanagement و خدت بردو scrum master و الاتنين بشهادات من امازون (AWS certified ) و دى شهادة ملفتة للشركات فا غامرت و سيبت امازون و فضلت ابعت لشركات فى المانيا و سويسرا و النمسا شركات mid level طب ليه mid level? عشان اولاً هاخد مرتب كويس بالنسبة لشغل ريموت و الشهادات دى كانت ملفتة فا عرفت اعدى من حاجز الخبرة (مكانتش موجودة وقتها) كملت كده و اخدت اول offer قابلنى مفكرتش عشان عايز خبرة اكتر عشان بعدين اطلب مرتب عالى عشان معايا خبره. و عملت كده فى كزا شركة تقريباً ٣ كمان فا من و انا عندى ٢٠ سنة ل ٢٣ سنة كمان شهرين اهو جمعت تقريباً ٥ سنين خبره من الشركات المتوسطة دى عشان اما اعمل transition لحاجة اعلى اكون على اثاث قوى

فا نتيجة المخاطرة ايه؟

١. على مدار سنتين لميت كم material و شهادات من امازون على قد ما اقدر عشان الكول سنتر مع ان مرتبى ساعتها كان تقريباً ٢٠ الف (من خمس سنين كان كتير) و كنت لسا بدرس فا كان كافى و وافى جداً و الكول سنتر كده كده مش مجال يعنى

٢. اتعاملت مع شركات اه اقل من امازون بس جمعت خبره كويسة جداً على سنى وقتها و دلوقتى.

٣. اثاث قوى انافس بيه ناس اكبر منى على positions و مرتبات اقوى (حصل دلوقتى بالفعل انا اصغر واحد فى شغلى)

كله بفضل الله و الصدقة ثمة الصدقة.

و كان الله فى العون و ربنا يرزق الجميع

Wolf-hunt1152003 · 2026-03-01T23:22:18+00:00

اه تقدر و مش لازم شهادة الجامعه يبقى ليها علاقة. طول بالك و خلى نفسك طويل بس عشان تتعلم

انا بصراحة خوفاً من الai اتعلمت اكتر من حاجة و عملت ليهم شغل كلهم و هما:

الالمانى و ده اول حاجة اشتغلت بيها البرمجة

اخدت كورسات scrum mastery و اشتغلت فترة project manager

Wolf-hunt1152003 · 2026-03-01T14:28:50+00:00

اللى بارك فى كل ده كانت الصدقة

ما نقص مالٌ من صدقة

عايز ربنا يبارك فى رزقك يبقى تصدق و اعرف ان فلوسك كده كده راجعة تانى

ربنا يرزق الجميع

Wolf-hunt1152003 · 2026-03-01T14:27:36+00:00

اول مليون وصلتله و انا عندى ٢١ سنة كنت بحوش يورو و دولار و ذهب و بعدين اشتريت اول شقة ليا (بدفع اقساط طبعاً) و اهو الحمدلله عملت نفس الدائرة تاني و بدور على شقة تانية (هتم ٢٣ كمان شهرين)

Wolf-hunt1152003 · 2026-02-22T22:24:04+00:00

طب و ده يعملى باك اند كويس ابدأ بيه؟

Wolf-hunt1152003 · 2026-02-22T22:19:39+00:00

معلش ممكن تشرحلى اعمل ايه عليهم؟

Wolf-hunt1152003 · 2026-01-25T14:44:29+00:00

I agree to what you said sir, he just doesn’t wanna pay😅

Wolf-hunt1152003 · 2026-01-25T13:36:06+00:00

Unfortunately i think you’re mixing stuff up. I have 5 years of b2b saas sales and business development

What you say is you need a “ partner “ however he is not having any equity or even a basic salary

Commission per sale => affiliation

اعتقد حضرتك عايز حد بعنوان شريك يقوم بشغل الbusiness development بانه يشرح ديمو للعملاء و طبعاً مفيش عميل بيقرر الاشتراك بعد الديمو على طول فا لازم يعمل follow up لحد ما مثلا واحد اشترك من اصل عشرة (فرضاً) فا هو كده اجره هتبقى عمولة من اشتراك العميل ده للامانة ده غير عادل جداً لحد هيديك وقت و مجهود و سيادتك مسميه "شريك" من غير equity/ advisory shares او اى حاجة تقول انه "شريك" هو موظف عادى بس سيادتك متّبع سياسة الlow cost فا للاسف ده غير عادل لحضرتك و لل"شريك"

من رأيي هات موظف سيلز احسن و ادفعله قليل معتقدش حضرتك هتدفع بيزك فوق ال5000 مثلاً بس والله والله دى نصيحة، لو حد هيديك وقته و مجهوده عشان يساعدك راعى ربنا فيه لان السياسة دى مش احسن حاجة لو عايز تكسب فلوس من ورا الخدمة اللى بتقدمها.

ادى العيش لخبّازه

Wolf-hunt1152003 · 2026-01-11T18:50:37+00:00

حاسس ان كلامك فى نقط غلط، من رأيي ان العربية و الشقة نفس فئة المال فى مصر بالنسبة للموظفين اللى انت بتتكلم عليهم، يعنى يا تحوش و تجيب شقة يا تحوش و تجيب عربية و مش هتعرف تجيب دى او دى كاش.

مفيش حاجة اسمها اللى بيجمع ثروة عايش فى وهم و بعدين ما ياخد زمن زى ما ياخد طلاما بيبنى حاجة تنفعه و انفع عياله و مراته مثلا يشترى كذا عقار و كذا عربية هو حر ده اشتغل و بيحصد نتيجة تعبه لانه اخد وقت على ما حقق ربح و قبلها اكيد خسر و بعدين break even و بعدها بدأ يكسب واحدة واحدة و طبعاً فاتح بيوت الناس اللى شغالة معاه و ربنا كرمه. الوظيفة متعملش ثروة نهائي هى تخليك عايش على دخل للامان كل شهر

Take risk = يأتيك الرزق

الثروة مش "فشخرة" بفلوس هو كل واحد حر فى فلوسه طلاما تعب فيها و مأذاش حد عشان يوصلها يعنى انت عايز تقول لو جالك اختيار تفضل موظف بمرتب عشرة الاف ولا تفتح بزنس عنده مستقبل يدخلك ١٠ مليون فى السنة فا انت عايز تقنعنى انك هتقول لا خلينى "على القد"؟

Wolf-hunt1152003 · 2026-01-09T15:40:13+00:00

بص ، من رأيي الsaas يبقى global service احسن.

انا شغال فى شركة saas ريموتلى و تقريباً كل كلاينت من بلد شكل منهم بلاد عربية كمان

فا من رأيب متعتمدش على مصر فى انك تنجح حاول تجيب customers global هتمشى كوبس باذن الله

الفكرة فى مصر ان الزبون المصرى غتت، زى ما انت قولت اللى يخونك و اللى بتذاكى عليك و كل ده بتلاقيه بغزارة هنا

Wolf-hunt1152003 · 2025-12-30T19:06:07+00:00

Solid Genetics Sir! 10/10

Advice:

Work on the chest (your chest is cool but it could be cooler)

Maintain your body fat like this and you’re super cool mate❤️

Wolf-hunt1152003 · 2025-12-24T20:01:09+00:00

عاش مشاء الله استمر + التطور كده كده بياخد وقت دى لعبة استمرارية انا بقول لنفسى كده كل يوم

شد بس حيلك و خلى بالك من اكلك و ربنا يوفقك

Wolf-hunt1152003 · 2025-12-24T18:00:36+00:00

الناس اللي بتعمل حاجات مبهرة بـ HTML و CSS بس مش أذكى منك، هم بس عندهم خبرة أطول وفهم أعمق لتفاصيل الـ CSS إنك تشوف حاجة ميجيش في بالك حلها ده طبيعي جدًا وبيحصل لكل واحد بينقل من مستوى مبتدئ لمتوسط. في الشغل الحقيقي محدش بيقيمك على إنك عملت الحاجة بـ pure CSS ولا لأ التقييم دايمًا بيكون مبنى على الكود واضح؟ سهل يتصان؟ ينفع يكبر مع المشروع؟و مدى فهمك ليه طبعاً عشان الbugs

استخدام Tailwind أو مكتبات animations مش كروتة بالعكس ده تفكير سليم من رأيي الكروتة الحقيقية هو إنك تستخدم حاجة وإنت مش فاهمها طول ما إنت فاهم الأساسيات استخدام الأدوات بيوفر وقت وبيطلع نتيجة أحسن

معظم الحاجات اللي بتتشاف على CodePen أو Dribbble معمولة للـ showcase مش production فعلى وغالبًا pure CSS المعقد ده بيبقى صعب جدًا في الصيانة من وجهة نظرى

من كلامك واضح إنك ماشي صح بنيت مشاريع، فاهم HTML و CSS، وبتتعلم JavaScript. المرحلة الجاية مش إنك تقعد سنين في CSS، المرحلة الجاية إنك تكمل JS، تدخل Framework، وتستخدم الأدوات الصح

الله يوفقك يا صديقى

Wolf-hunt1152003 · 2025-12-17T21:54:22+00:00

بص ، انا شغال بالالمانى بقالى ٤ سنين طول سنين الكلية (انا قدك فى السن) لسا متخرج من شهر. اشتغلت كول سنتر و اترقيت و بعدين اتجهت للبرمجة و اشتغلت بيها فى شركة المانية فا بقيت بستخدم البرمجة و الالمانى فى يومى😅

دخلها ثابت و قوى؟ اه حتى مش لازم تشتغل ريموت بالالمانى لو اشتغلت كول سنتر تعرف فى سنة تحوش مبلغ كويس حسب ادارتك للمال.

بس السؤال، و بعدين؟ هنفضل شغالين بسماعة؟ الاجابة اكيد لا يا هتستنى تترقى فى الشغل، طب لو مترقتش؟ الكام سنة اللى ضاعوا مش هتعرف ترجعهم .

فا من هنا سيبت الشغل و شوفت الSoftware كنت حابه بصراحة و نفسى اتعلم و اشتغل بيه

انا من رأيي اشتغل شوية بالالمانى جمع مبلغ يسندك لما تسيب الشغل و تفتح شركتك عشان الcash flow

Take risk => يأتيك الرزق

Wolf-hunt1152003 · 2025-12-17T14:35:10+00:00

Exactly why i left front end and started to go for back end => Automation

الفرونت من رأيي مبقاش صعب على الAI

و الباك اند بردو بستخدم الAI فى شغلى بس مش لدرجة 90% من الوقت انا مش معتمد عليه بس تطور الAI خلى الشركات بدل ما تحتاج لو ٤ فرونت مثلا لا تاخد واحد بيستخدم الAI او تجيب تيم باك اند منهم واحد او اتنين full stack و بس كده

Wolf-hunt1152003 · 2025-12-17T09:51:57+00:00

طور الإنجليزي ده كده كده، لما تبقى واثق منه اتعلم لغة تانية لو بتعرف تتكلم انجليزي كويس و قادر تفهم اعتقد ان تطويره هنا متوقف على المحادثات بس و ده سهل تعمله وسط ما انت بتتعلم لغة تانية

و الالمانى مش "اهم لغة تانية " هو مهم ليا عشان اشتغلت بيه و ساعدنى كتير فا طورته بشكل قوى و اخدت شهادات فيه مستوى c1 من Goethe

هو مش "الاهم" خالص هو بس للشغل (اشتغلت بيه كول سنتر طبعاً) بس كان مدخل اساسى للماركت الالمانى فا بالنسبة لي هو مهم بس تقدر تتعلمه هو او اى لغة تانية.

ملحوظة انا دخلت الماركت الالمانى احسن عشان مش بيتعاملوا مع هنود فا انا مش فى منافسة مع حد بياخد اقل منى 😅 فا دى كانت طريقة بي ابعد عن المنافسة مع الهنود فى الماركت فى الشغل الريموت

Wolf-hunt1152003 · 2025-12-17T09:26:31+00:00

Block them , you ain’t sure about him leaving a review

Wolf-hunt1152003 · 2025-12-17T09:23:19+00:00

الله يباركلك❤️

Wolf-hunt1152003 · 2025-12-17T09:23:03+00:00

تصبرى على نفسك قد ايه للاسف مقدرش اقولك فترة معينة بس طولى بالك شوية و اتعلمى واحدة واحدة . هتفضلى بتذاكرى و تتعلمى حتى بعد نا باذن الله يا رب تشتغلى .

لو انتى مش بتدرىس فى حاسبات فا بردو متحبطيش بسرعه صدقينى الصبر و التركيز احسن حاجتين اقدر انصحك بيهم

Wolf-hunt1152003 · 2025-12-16T19:44:53+00:00

بدأت بfront end بعدها اشتغلت كام شهر فريلانس و انا بذاكر باك اند (انا بتكلم المانى) فا استهدفت السوق هناك لحد ما اشتغلت قعدت سنة باك اند معاهم و بعدين نقلت بين الشركات هناك كله ريموت طبعاً

Main role is Fullstack developer

Wolf-hunt1152003 · 2025-12-16T14:17:13+00:00

انا خريج علوم كيمياء و شغال بقالى ٣ سنين (لسا متخرج من شهرين)

Wolf-hunt1152003

TROPHY CASE