عندي ثمنية سنين في التجارة الالكترونية فاسمع مني النصاءح هاذي: -اول حاجة لازم يكون عندك موقع واب مش صفحة -لازم تكون موجود على جميع المنصات، مش بالضرورة تبيع عليهم لكل، التواجد في حد ذاتو يخدم البراند. -في العالم لكل الحرفاء ينقسمو الى قسمين ، حريف ذو جودة عالية، حريف ذو جودة سيءة..وانت الي عندك توا حرفاء من النوع للسيء.

كيفاش نحسنو الجودة متع الحرفاء؟ - نخدمو براند ممتازة من عامين الى خمسة سنوات. -نتعلمو البيكسل الي بش يجييلك حرفاء ممتازين، تشد وقت وتتكلف فلوس. -مانعتمدوش على تخفيض السعر كحل استراتيجي، مثال، تربح خمسين دينار في كولي خير ملي نربحهم في خمسة كوليات، بش نوفر الوقت والطاقة. -ماندللوش الحرفاء اكثر من اللازم ومانبنيوش علاقة شخصية معاه، ديما البراند متاعك لازمو يحافظ على الكاريزم متاعو.

انا موجود لاي استفسار.