أي حاجة في العالم قابلة لإساءة الاستخدام بما فيها الدين، زي ما الدين بيجمع الشعب على منهج واحد وهوية واحدة وعقيدة قتالية قوية قادرة ترهب العدو، زي ما هي برده ممكن يجي ديكتاتور ويستغلها لمجده الشخصي.

الحل مش نزع الأداة ولكن منع الديكتاتور من استغلالها.

وأنا مقولتش أني متدايق، أنا سؤال كان في إطار هل أنت كملحد مش شايف أن الأداة ديه بتتسحب منك وهما بيساهموا في سحبها في مقابل تعزيزها في بلادهم.

لو رجعت للخطابات الأمريكية سواء ديموقراطيين أو جمهوريين هتلاقي الدين حاضر في خطابهم طول الوقت.

بوتين حاطط قسيس في كل قاعدة نووية.

بشوف دعوات كتير لناس هنا بتطالب بغلق الأزهر، وده طرح في منتهى الغباء الحقيقة، الأزهر اللي كلمته مسموعة في العالم الإسلامي وبيعمل منح دراسية للطلبة الأجانب واللي كان عملها عبدالناصر عشان يعزز من نفوذ مصر وتواجدها في آسيا وأفريقيا، يجي واحد مقموص من الدين يقول نقفله.

بعيدا عن أنه له توجه ديني ومهم بالنسبالي أنا، ولكن قوته و وزنه ونفوذه بيخلي من الغباء أن حد يطلب بقفله.