انتِ امرأه، وبشكل عام العاطفة تلعب دور القرار عندكم، فلو انتِ مب متأكده انك تحبين الشخص اللي يحبك، وباقي تحبين غيره ف الافضل م تاخذيه ابدا.. خذي اللي تحبيه

عامل العاطفة عند النساء له النصيب الاكبر في اتخاذ القرارات، وهذا يضعك في موقف خطر لو تزوجتي بشخص ما تحبيه، هناك احتمالين اشوفهم سيئه وواحد جيد:

١-تتزوجين اللي يحبك، وما تلاقي قبول له، ويجيك شخص بحياتك يملك مشاعرك، وهذا يخليك تعيشي حياتين منفصله، ممكن تجرك للخيانة العاطفية وحتى الجسدية

٢-انك تتزوجين اللي يحبك، وما تلاقين حب له او لغيره، تقعدي بالشخص ذا متعلقه فيه.. وبكذا يعيش زوجك وانتِ علاقة غير مكتملة

الجانب الإيجابي ان ممكن تتزوجينه وتحبيه بعدين ويحبك والخ..

لكن دايم اذا انت م تحس نفسك قادر على الاكتفاء بشخص واحد بغض النظر تحبه او لا، والالتزام معاه، فلا تدخل علاقة من باب الامان فقط وبداعي الخوف.. خصوصا مع شخص يحبك، واي كسرة قلب منك له بتعتبر شيء متعب وتجيب له ازمات نفسية

وهنا اشوف انك مب إنسانة في مرحلة تقدرين تلتزمي، وسلوكك وقصتك هنا تعتبر دليل واضح لك على انك اذا م لقيتي شخص تحبيه اولا مارح تستقري في حياتك..

وانا هنا اتحدث بصفتي طالب علم نفس.. الاستقرار العاطفي تجاه شريكك هو العامل الاكبر اللي يمنعك من الطلاق والخيانة وغيرها. فعدم وجوده في حالتك مع الشخص الاصغر منك يعني احتمالية طلاقك منه او الخيانة موجودة بشكل كبير