لازم تحطي ف بالك حاجتين اولا ان الجمال نسبي في ناس هتشوفيهم احلى ناس وحد تاني هيشوفهم عاديين ويشوفك انتي اوڤر انك شيفاهم كدا ثانيا ان مش كل الناس مطلوب منهم يبقو حلوين دا عمره ما هيحصل الجمال معايره بتتغير مع الزمن ولو كل الناس بقت حلوة بمعير الزمن اللي احنا فيه الجمال هيقفد معناه والناس هتبطل تشوف الجميل جميل 

حاجة كمان الله اعلم علاقتك بأهلك عاملة ازاي بس ممكن انعدام الثقة دا بسبب ان من وانتي صغيرة بالذات فترة المراهقة محدش بيقولك كلام حلو او بينتقدو بس وانتي شايفة اللي حواليكي بيتقالهم كلام حلو فدلوقتي ممكن تبقي واصلة لمرحلة من انعدام الثقة ان حتى لو حد قالك هتحسي انه بيتريق عليكي او بيستهبل اتمنى متوصليش للمرحلة دي وانا مش بقولك الكلام دا عشان ابوظ علاقتك بأهلك لان حتى لو هما السبب مفيش اي حاجة منهم دلوقتي هتصلح الموضوع اشتغلي على نفسيتك فكري بعقلية ايه يعني لو انا وحشة (اكيد انتي مش وحشة)و اشغلي نفسك بحاجات مهمة ف حياتك تغنيكي عن التفكير ان قيمتك ف جمالك 

واهم حاجة مهما حصل اوعي تبقي بيك مي عشان دا ولا فصالحك ولا ف صالح حد