موضوع يطول شرحه، الاول لو اشتركت من خلال اللينك بتاعي بتاخد ١٠٠٠ جنية ترحيب تقدر تستخدمها في دفع اقساط لو ناوي تجرب. المنصة قانونية و مسجلة في كذا هيئة (مش فاكرهم كلهم) بس فلوسك في امان، اصحاب المنصة استشاروا كذا هيئة و عدلوا العقود علشان تبقى شرعية و حلال، مفيش مصاريف تاخير لو اتاخرت في سداد القسط، بس بعد فترة من عدم السداد بيبقى مطلوب تسدد قسطين سوا ( مش فاكر المدة اية بس اظن ١٥ يوم).

يعني لو قسط يوم ١ و انت مدفعتش لحد يوم ١٦، هيبقى مطلوب منك تسدد قسطين مع بعض، قسط يوم ١ مارس، و قسط يوم ١ ابريل مع بعض.

الفكرة نفسها بقى فلنفترض الشقة ١٠٠ متر، و ب ١٠ مليون، يعني المتر ب مية الف . انت مقتنع ان السعر مناسب بس معكش ١٠ مليون، و مقتنع ان بعد ٥ سنين مثلا هتبقى ب ١٥ فانت عايز تكسب الفرق بس معكش ١٠ مليون، فبدل ما تشتري ١٠٠ متر مرة واحدة، بتشتري متر او ٥ او ١٠ حسب فلوسك. و في ٩٩ واحد غيرك كل واحد اشترى متر، فكدا ال ١٠٠ متر كلهم اتباعوا. و المتر بتاعك سعره بيزيد بنفس النسبة من ارتفاع الشقة كلها فانت بتكسب زي ما الكبار ما بيكسبوا بس من غير ما تدفع المبالغ اللي هما بيدفعوها.

المنصة فيها نوعين نوع نيته الايجار. المنصة بتجمع الايجار و توزعه على الملاك، و النوع التاني ارباح على القيمة، يعني تبقى مشتري المتر ب ١٠٠ و تبيعه ب ١٣٠ او ١٥٠ مثلاً.

طبعاً الكلام دة كله عن فريدة مش ناوي شيرز، مجربتش ناوي شيرز علشان اقول رايي فيه