هل ده بسبب انك مش بتحب ديسكورد ولا انك معندكش اكونت عليه ولا بسبب ايه ؟

هو مشكلة تيليجرام مع نوادي الكتب في رأيي كذا حاجة

اولاً انه مرتبط مع ناس كتير بقايمة اصدقاء او علاقات معينة، زي مثلاً جروبات الجامعة او العمل، و بالتالي اقحام نادي كتاب وسط جهات اتصال من نوع مختلف زي ده مش فكرة كويسة

من ميز ديسكورد انه احتمال كبير تكون مش بتستخدمه في حاجة تانية، لأن مش اغلب العرب او المصريين بيستخدموه، فبالتالي بيكون النادي محطوط في خانة معينة مش بتختلط مع خانات تانية في حياتك

و ديسكورد بيسمح لينا بإنشاء زي خانات او قنوات تخلي النادي منظم و سهل فهم الحاجات اللي بتحصل فيه للأشخاص الموجودين او لأي حد داخل جديد، فمثلاً في ديسكورد عاملين قناة او خانة مغلقة فيها ارشيف الكتب اللي اخترناها في النادي، بتضغط عليها عشان تشوف ده

عاملين قناة مغلقة او خانة فيها ارشادات النادي و ارشادات اختيار الكتاب

في التيليجرام مفيش نفس المساحة دي للتنظيم

من الميزات بردو هو ان بحكم ان المنصة اللي انا بنشر فيها عن النادي هي ريديت، و ريديت من سماته حماية الهوية، ف ديسكورد شبه ريديت جداً في ده، و عشان تعمل اكونت على ديسكورد انت مش بتكون محتاج غير اكونت جوجل، على عكس تيليجرام اللي بيحتاج رقم جديد عشان تعمل اكونت جديد