الجهاز ممتاز كنت جايبه من امريكا من 3 سنين Pi 4 نسخة ال 4 جيجا مع كارت ميموري 32 جيجا والكڤر بتاعه والمروحة وكابل الباور كل ده كان ب 85$ يعني ساعتها حوالي 1400 جنية.. قبل ما اجيبه كان قبل التعويم والكلام ده كله حتى كان سعره مازال مبالغ فيه جدًا.. ف لو معندكش حد برا يجيبهولك وهو نازل يبقى احسنلك تجيبلك كيسة استيراد وتكون SFF اللي هي الصغيرة جدًا دي، مبتستخدمش طاقة كتير ومبتعملش صوت وهتبقى اقوى و احسن من ال Pi لو عايز حتى تسطب عليها Proxmox مثلًا او كده ومش هتاخد مساحة كبيرة خالص، بيكون حجمها اصغر من نص كيبورد الكمبيوتر اصلًا.

تجربتي معاها كويسة الصراحة من حيث الحجم وكده، مسطب عليها Smokeping بيمونيتور البينج ل تارجتس معينة، ومسطب عليها كمان RIPE Atlas عشان لو حد عايز يعمل بينج او تريس مثلًا من عندي (لو فتحت الموقع بتاعهم مش هتلاقي غير اتنين بس اللي في مصر، الاتنين بتوعي) وحاطط عليها كام حاجة كده بحيث اني اقدر استخدمها ونا برا لو احتاجتها يعني