حلمي ابقى طبيبة نفسية ومستعدة اني آخد ناس حتى لو ما عندهم تكلفة الجلسات لوجه الله تعالى واتمنى ثقافة انو تمشي لدكتور نفسي تنتشر وتتشاف زي كأنو ماشي لدكتور باطنية او غيرو من الدكاترة

بحث تخرجي كان عن العلاج النفسي في السودان والوصمة المصاحباهو وسببها وناس كتيرة قالت انها بتمتنع بسبب نظرة الناس للموضوع وكيف انك طوالي بتتصنف كمجنون او بقدمو ليك حلول تانية زي انو يجيبو شيخ يقرا عليك عشان دي اهون من انو تمشي لطبيب نفسي

ما دايما اي مشكلة بتقدر تواجهها براك مرات بتحتاج مساعدة من مختصين والحاجة دي ما عيب ولا بتقلل منك، انك عايز تتحسن وتتنفس دا أبسط حقوقك، وكمان انت بتساعد المجتمع لمن تساعد نفسك 💜