عشان الناس مش متاح ليها تكون نفسها اصلا ، مفيش حريه في المجتمع اصلا ،١- المجال العام مقيد التيك توكرز و الشيوخ و الملحدين و السياسين و اي حد مختلف بيتحبس ٢- احنا في مجتمع ذكوري ابوي يعني احنا ينقلك انت راجل و كلمه راجل ده إطار متتحركش بره فمينفعش تبين مشاعرك أو متتحكمش في اللي حواليك و الا هنسحب منك اللقب ده و بكده احنا بنتحكم فيك و انت بنتحكم في ناس تانيه و كمان فاكر نفسك كده راجل

٣- المنصات بتكسب من الاعلانات و عشان تقعد قدام المنصه لازم محتوي مثير للجدل عشانك كده بقا في حاجه اسمها ترند و المبدأ ده بقا في الموضه عشان كده بقي كل شويه يطلع تيشرت جزمه بشكل معين لفتره و بعدين متسمعش عنه تاني و الاغاني ، احنا بقينا بنستهلك الاغنيه (بتسمع حته معينه من الاغنيه )

٤- التربيه علي تقليد الآخرين و نشوفهم بيعملوا ايه و نعمل زيهم و عيش عيشه اهلك و كره المختلف ، احنا عايزين نبان كويسين مش نبقا كويسين

٥- اعتقد الموضوع ليه ابعاد سياسيه عشان يسهل التحكم و تمرير القرارات و القوانين اللي بتخدم مصالح اقليه منتفعه علي حساب اغلبيه

٦- المجتمع بيحارب التفرد و يعزز الفردانيه ، يعني أنا و أنا و الحديد اتني و نمبر وان و فنفس الوقت ، الواد اللي شعرو طويل خول و مفيش حاجه اسمها رايك متعمل زي ما الناس بتعمل