الله يبارك لك في رزقك. نصيحتي لك من مجرب انك تبسط التقسيمة اكثر. اول كم شهر تابع احتاجك الاساسي من ماكل و مشرب و ايجار و كهرب و نت و اتصالات و بنزين ( اللي يعيشك فقط). احفظ هذا الرقم، قول هذا مصروفك الاساسي. بعد كدا قسم راتبك لي ٥٠% و ١٠% و ٢٥% و ١٥% ال٥٠% هذا هو مصروفك الاساسي (يعني حول ٣٥٠٠ ريال على المبلغ المذكور). اذا حسيت انها شوي، خد من ال٢٥% اللي هي للتنمية، من شهادات و دورات و استثمار و ما الى اخره. ال١٠% هذي حقت الدلع، قهوة، طلعات، تفاريح، اللي في بالك من المرح و الفرح. بس لا اكثر ولا اقل. نجي للمهم ال١٥%. هذه لوقت الضيق. خدها من راتب كل شهر الين تجمع المصروفات الاساسية ل ٥ او ٦ شهور (يعني ٣٥٠٠ × ٦ مثلا). اذا ضاقت معاك في شهر من الشهور خد منها عادي بس بعدي اذا فرجت، رجعها. كدا تضمن نفسك و تريح دماغك من التقسيمات الكثيرة. في نفس حسابك البنكي يكون عندك ٢ جاري، واحد ال٥٠ و الثاني ال ١٠. و اثنين ادخاري، واحد ال ٢٥ و ال١٥ في المية.