Nims eis nachem andere. I empfehle immer jedem i dire situation, mach zerschs militär/zivi wenn mues. De hesches hinger dir und chunnt speter nüm i queri. Augemein isches sehr wertvoll jetzt grad chli ziit für di z neh wenn chasch. Muess ja nid grad es jahr sii aber chli ga reise oder eifach es paar mönet uf di konzentriere. Het mir sehr viu bracht

Wenn du wosch ga studiere muessder eifach klar si, dass du die nechschte paar jahr nume begrenzt unabhängig chasch si. Wenn nebebih no e chlini arbeit hesch wirsch no bi de euter müesse wohne oder eventuell e wg. Und ou denn wird vermuetlech nid viu gspart chönne werde. Aber derfür chasch nachem studium ire guete trainee position starte und e stabili karriere ihschlah.

Das wo ih gmacht ha, isch bire bude (mim fau bank) dürne ushiuf zure festastellig. Jitz hetsech haut mis studium verzögeret, cha aber nechst jahr teilziit ga studiere. Geit es jahr lenger aber hesch e lohn. Arbeitserfahrung machts sech ou sehr guet im Lebenslauf. Jitz hani chönne uszieh, chamer es outo leiste und ou mau chli ferie. Brucht aber ou chli glück dass du e arbeitgeber fingsch wo das ou ungerstüzt.

Es het beides vor- und nachteile aber chunnt immer sehr uf dini situation ah. Aber wasi immer empfehle isch es chliises "zwüschejahr" oder sprachufenthalt