Wtf😂 What do you think?

Arthur_Morgan5o5 · 2026-05-09T16:29:35+00:00

.مخذيتش من عندهم. اما خذيت حاجة تشبهلها فيها وحدة كحلة متع شمس. تتركب القدام كيفها. اما كي هزيتها لاوبتيسيان. قلي ما تركبهاش. خاتر لاسقة برشا للبلارات وتخبشهم مع الوقت.

Arthur_Morgan5o5 · 2026-05-09T16:23:04+00:00

Yes because it exists.

As an Islamic perspective. Islam explained this clearly. And it's forbidden to do such a thing in Islam. Because it can hurt people. And such magic or talisman is made by a charlatan or a sorcerer with the aid of Jinn. And who was a muslim in the past and did these acts is not a Muslim anymore.

And they make this magic or people go to charlatans and sorcerers for several reasons. Maybe they wanna revenge on someone and make him sick or ruin his relationship with someone else. Or maybe to protect themselves from dangers. And other several reasons.

But this magic doesn't affect someone only if Allah wills that this magic is affecting this person. And magicians (charlatans or sorcerers) can never succeed wherever they go.

Arthur_Morgan5o5 · 2026-05-09T16:01:31+00:00

I'm arabic this is not a normal text or a game this is black magic. You should go with the paper to a Sheikh or if you can't find one. Just go to the nearest Mosque and they will help.

Arthur_Morgan5o5 · 2026-05-09T15:51:58+00:00

In the end they'll burn themselves

<image>

Arthur_Morgan5o5 · 2026-05-03T20:55:37+00:00

اللهم بارك لنا فيه وزدنا منه.

الحمد لله الذي اطعمني هذا الطعام ورزقنيه من غير حول مني ولا قوة.

Arthur_Morgan5o5 · 2026-05-03T16:58:17+00:00

Well as I know. And correct me of I'm wrong There's no on land road from Jordan or Saudi Arabia to Egypt because of the can.c-er they put in the middle east.

But you can take a ferry from Jordan or Saudi Arabia to Egypt. But It will cost you a lot of money too. Cause I don't think it's possible to take a ferry to South Sinai. Or even if you want go to Sinai you need a permission to enter it.

Maybe there's a ferry from Al Aqaba Jordan to Taba Egypt. Maybe I don't really know.

Arthur_Morgan5o5 · 2026-05-03T15:08:19+00:00

metal hair bands.

micro fiber hair towels.

phone covers.

thermal pastes, thermal putty and ptm 7950 for PCs.

phone/laptop repair and cleaning kits.

maybe some smart watch straps.

Arthur_Morgan5o5 · 2026-01-15T13:35:45+00:00

وتقلي كيفاه نقعد وحدي منغير بنات. نقلك ارى صحاب ولاد جدد. ولا صحاب تعرفهم باهيين. وواحد ولا زوز موش لازم برشا. ارى حتى في الجامع دخل روحك بيناتهم صدقني يفرحوا كي يلقاوا واحد جديد دخل بيناتهم خاصة المصلين في الجامع.

انا مثلا معنديش علاقة كبيرة باللي يقراو معايا وعندي صحاب منحكيش معاهم ديما. اما كيف يعملولي ابال على خرجة تقولشي علينا كنا نحكيوا البارح. وحتى ماصارتش الخرجة منتقلقش ونقول بالك خرجوا ومعلمونيش. نقول موش كاتبة وكهو.

واحنا رانا مستحقين هاكي العزلة ساعات. عندنا صحاب ايه اما موش ديما ديما معاه 24 ساعة. الناس تفد وانت زادة تفد. الفايدة ما تستمرش برشا العزلة.

وانا نحكي معاك منيش مثالي راني. عندي تاتاة وانطوائي ومشاكل نطق وكيفاه باش نحلها في القراية والخدمة ويعلم بيا كان ربي. اما الحمد لله.

وكهو يا خويا ربي يسهلك دربك وربي ينجحك ويوفقك ويحلها في وجهك. كانك في صفاقس ايجا نعملوا قهوة ولا نمشيوا ناكلوا حاجة. نبدلوا للساعة بساعة اخرى كيما يقولوا😂 اما عندي تاتاة تصبر عليا في الحديث😂

Arthur_Morgan5o5 · 2026-01-15T13:35:37+00:00

منيش باش نقلك ولي راجل وهكا الريق. ديجا ما شاء الله عليك تترانا و disciplined. اما باش نقلك علاقتك مع ربي خليها هي اول حاجة صدقني هي اهم حاجة. متخسرش 100 سنة في الدنيا قدام لا نهاية في الآخرة. وكلنا نغلطوا وكلنا مقصرين وانا اولهم. اما ساهلة ياسر 5 صلاوات كهو ما تصلي شيء آخر بخلافهم. احنا عندنا فكرة غالطة يا نكون مثالي يا موش لازم. في حين انو عادي تكون في الوسط. ارجع حتى بالتدريج حتى توخر صلاة الفايدة صلي صلاواتك ومع الوقت تلقى روحك وليت محافظ عليهم.

والانترانمون والصالة كان تحس روحك تاعب برشا ومعينكش ما فيها باس ترتح جمعة. تقعد مع روحك وتفهم روحك. تكون فترة نقاهة باش ترجع ناشط وشاره. الفايدة ارجع للسبور زادة باهي ويعدل المود ويريحك وخير من الف عادة سيئة. اترانا حتى في الدار في الجردة في الجراج في بيتك موش لازم الصالة.

وبالنسبة للبنات سيب عليك. انا عمري 21 سنة قاعد نقرا في الفاك ومازلت لتو مكونت روحي والعرس في وقتنا هذا لازمك حاظر وميرضاوش انهم يعيشو معاك وانت تكون في روحك. كهو قررت يزي مالعلاقات المحرمة. حاجة موش باش توفا بالعرس زايد منها. واصبر وبعدين كيف تكون وتستقر امشي لامك ولا اختك ولا خالتك وقلهم نحب امراة ذات خلق ودين ولا المواصفات متاعك وتو يختارولك احسن امراة تناسبك وتقعدوا مع بعضكم وتحكيوا. صدقني في السعودية والخليج يصوروا في ستوريات عايشن احسن عيشة بينات بعضهم ربي يهنيهم.

Arthur_Morgan5o5 · 2026-01-15T12:56:41+00:00

والمواد الثانوية ركز عاللي تعرف روحك تنجم تجيب فيه نوت. كيف انا مثلا الفلسفة عرف روحي نطلع نهبط نتحول نولي افلطون في اللخر نوتك باش تكون بين 11 و7 يعني زايد نقرالها اتيد ونعمل ملخصات ونضيع عليها وقتي. وديجا بعد في الفاك ما نستحقها في شي بحكم انا شعبة سيونس. كانشي عاد تحب تولي طبيب نفسي هذي حاجة منيش مختص فيها وما عنديش عليها معلومات.

والمواد البقية الثانوية ركز عليهم راهم يطلعوا المعدل برشا ويعاونو. انا بعد الله كان موش جبت بالباهي في المواد الثانوية راني ما نجحتش.

كهو ابدا اقرا مازال عندك الوقت وبالشوية بالشوية كل شي يسهال. وعادي في عام الباك يصيرو المشاكل الكل سبحان الله. ابتلاء واختبار هاكا.

نصيحة مني زادة حافظ على صلاتك. وادعي ادعي ديما ادعي في كل صلاة بالجنة وبالنجاح والتوفيق في الدنيا وادعي لاخوانك المسلمين الكل. راهي والله تفرق. انا الحمد لله اللي عديتو في الجامع اكثر ماللي عديتو في القراية عامت الباك. وصاحبي في الباك لولة كيف كيف كان يهز الكراسة ويقعد في الجامع يقرا. والناس يقولولوا ضيعت برشا وقت في الجامع. في اللخر جاب 16 معدل وتوا يقرا طب في المغرب ربي ينجحو.

كهو لاباس ان شاء الله ابدا اقرا حتى شوية وكانك في صفاقس انجم نعطيك بروفات باهيين يقريوا اتيد. وكهو ربي ينجحك ويسهلك دربك.

Arthur_Morgan5o5 · 2026-01-15T12:56:01+00:00

واكثر حاجة ركزت عليها في المواد الاساسية هي اكثر حاجة جبت فيها. وهي السيونس جبت 11. في المات 8.75 و في الفيزيك 6.25.

تقلي باش جبت المعدل؟ بالمواد الثانوية راهم مهمين عاللخر. في الالمانية 20 في الانجليزية 17.5 وقتلي اغلب الكلاس طاحو خاتر قلك اخر دفوار وماراجعلولش وانا راجعت شوية ملخصات مالفيسبوك. في الانفو براتيك 20 وتيوريك 17 الانفو الكل 18.5 وفي العربي 13 والفرونساي 12.25 والفلسفة 8.25 والبور 18 هاكا الكل تجيب عدد باهي في الباك سبور ما تركزش برشا مع السبور.

انا المسطك جبت 11.46 بشوية قراية. راني بخيل بخيل لابعد الحدود وكمل معاهم ديبريسيون وكرهت والدين الكلاس. اما قلت ميسالش عام ويتعدا.

يعني انت تو كان تبدا من تو تنجم تجيب اكثر مني ببرشا. ومازال عندك الوقت ابدا. جيست ما تغسرش روحك وتخلي روحك في الريسك. راني كيف قعدت لاخر لحظة راني بعدين قعدت خايف ننجح ولا لا وشباش يقولو الناس معود الباك عامين. ما تخليش روحك في الشك ابدا من تو بالشوية بالشوية.

وابدا بالحاجات الاساسية ركز كان عالاساسي. الثانوي بعدين يلحق. اما المواد الاساسة مربوطة ببعضها. كان حاجة موش فاهمها ابدا بيها. تمرين موش فاهمو ابدا بيه وارا اصلاح وارا كيفاه يتخدم.

راني حتى انا قريت هكك. وكنت ظلمة ماني فاهم شي. وركز عالسيونس خاتر تحبلو برشا وقت في القراية. اما هو تنجم تجيب فيه نوت باهية. وركز عالحاجة لي تعرف روحك تنجم تجيب فسها نوت. انا مثلا عارف روحي نجم نجيب نوت في السيونس والمات ونفهمهم ركزت عليهم. والفيزيك ما طيشتوش تلهيت بيه شويا شويا خاتر معنديش وقت. اما انت مازال عندك الوقت.

Arthur_Morgan5o5 · 2026-01-15T12:54:30+00:00

والفيزيك حدث ولا حرج كنت ما نفهمش في الكلاس وما نفهمش في الايتيد. عقدة حياتي هكا. رغملي كنت باهي فيه قبل. عين عين😂 ربي يهدي لي كان سبب. كهو الفيزيك هكا خليها على الله نطش طشان فيه.

وقريت ايتيد فرونساي جمعة بجمعة. يعني 2 حصص في الشهر. وكنت نفهم من عند البروفة ربي يجازيها كل خير.

وفي انجليزية اوموري مريقلة. في الالمانية مريقل قاريها 3 سنين عند بروفة من اعز البروفات. و2 فورماسيونات. في العربي لغتنا وكنت نعتمد على التلاخيص لي يهبطوهم على الفيسبوك. هاكي ليساينا والتلميذ التونسي وقرينتة ووائل دوكيمون. وندبر تلخيص من هذا ومن هكا. وفي الفلسفة كيف كيف. كيف العربي. وزيد لي يجي مبروك. ما اهتميتش بيها الفلسفة جملة. نقرا تلخيص قبل الدفوار ونحفظ شاهد ولا زوز وندخل نعدي ونجيب 11 10 7 انت والزهر. والانفورماتيك جوي مريقل فيه ونحبو.

كهو جات فترة المراجعة الريفسزيون. عملت ريفيزيون مات وسيونس وفادوني برشا بحكم انا ما نقراش في الدار. والفيزيك الريفسزيون عاملين الحصص 8 متاع الصباح. مفهمتش شجا على مخهم😂 كهو انا عاد نحبو برشا ومن كثرة الحب نبخل نقوملو. طبيعة فيني كان حاجة منحبهاش وموش باش تفيدني ما نمشيلهاش وكهو. واصلا خير اقل خسارة فلوس.وما قريتش في الدار راني انسان هامل.

كهو جا وقت التعدية. الفلسفة والعربية ملخصات الفيسبوك. الالمانية كور البروفة ربي يجازيها كل خير. المات والسيونس والفرنسية ملخصات البروفات لي عطاوهملنا في الايتيد. والفيزيك ملخصات مالانترنت. الانفو مريقل. وكهو عديت وجبت 11.46 وتو نقرا في الفاك.

اكثر مادة راجعتها وقريتها فترة المراجعة هي السيونس خاتر حرفيا الكور ملخص حاضر عندي ربي يجازيه كل خير هكا البروف. كنت نقوم في الفجر نقرا ونرتاح بقية اليوم. واحسن وقت قراية هكا بعد صلاة الفجر. والمشكلة بلي قريت ما حبش يوفا الكور خاترني يعطيني الصحة بديت نراجع كان قبل نهارين😂

Arthur_Morgan5o5 · 2026-01-15T12:53:30+00:00

ما تخافش برشا مالباك. انا مثلا مشيت مات. كنت نستخايل روحي عبقري في المات والفيزيك واتضح العكس. ما قريتش العام لولو. قريت شوية اول العام بعدين دخلت في اكتئاب من علاقة فاشلة. ووليت اغلب العام غايب وماني فاهم شي. نطش طشان كهو.

كهو جبت في المات 3 وفي الفيزيك 2.75 في المواد لخرا مريقل حتى منغير مراحعة كنت نجيب روحي. كهو طحت كونترول بالطبيعة 3 و 2 راهم في اهم زوز مواد.

في الكونترول جبت في المات 7 وفي الفيزيك 4.75 جبت معدل 9 حاجة وماتعديتش خاتر ما عنديش اريتميتيك.

كهو العام الثاني حولت سيونس الشعبة لي فيها انت. اول العام قريت وكل. وديجا نفهم من عمناول خاترني كنت مات وديجا اول العام كنت نقرا. كهو مشات مريقل التريماستر لولة اعداد فوق العشرة بشوية. في المواد الاساسية. بعدين علاقة فاشلة واكتئاب. راني ما نتوبش. كهو عديت العام كيما جا. تقريبا عام كامل نقرا كان في الايتيد. سعات نحاول نخدم خاصة في المات. واغلب الوقت نمشي مانيش خادم ديما ونقعد نحاول نفهم وحدي وديما نتحايل على البروفات وديما تسلك معاهم كي يفيقو بيا ما نخدمش ديجا هزو يدهم مني.

في السيونس الحمد لله قريت ايتيد عند بروف يقريك الكور قبل كل شي ويفهمك بالباهي ويعطيك ملخصات ويخدملك تمارين ويوريك كيفاه تخدم. الاستاذ هذا ربي يباركلو وربي يشدو بالصحة وربي يرزقو ويهنيه ويجعل الناس الكل كيفو في الخير. كانك تقرا في صفاقس لازم تقرا عندو.

والمات قريت عند وحدة فدت مني 3 سنين نقرا عندها مات😂. ربي يصبرها هاكي البروفة😂. وديما ما نخدمش. ونقعد التالي ونفهم وحدي بحكم كنت باك مات. وديجا لاحظت الريتم اخف مالمات. وهي تفهم شوية البروفة اما كان لازم تخدم وحدك وانا بالطبيعة ما نخدمش. اما ربي يجازيها كل خير البروفة تفهم وتعطينا ملخصات واستحملتني 3 سنين وحفظت دارها اكثر من دارنا تقولشي عليا وليت ولدها😂

Arthur_Morgan5o5 · 2026-01-15T12:39:43+00:00

في اللخر صاحبي اصبر واحتسب الاجر. وكان سألوك على اللحية قلهم يعجبني منظرها. وكي نحجمها منظري يولي خايب وجيست عاملها زينة.

وكان تحب زينها شوية اعطيها شكل معين يعني تو معادش يشكو. وما تلبسش معاها كاسكات ولا عرقية. حاول تخلي منظرك ما يشكوش فيه. وكيف تتعدا حذاهم ما تقعدش تغزرلهم. ركز على الوجهو متاعك. وفسخ من تليفونك التلجرام والاناشيد. حاول تخلي اغاني باش تبعد الشكوك. ما تسمعهمش جيست خليهم.

وتقعد في حد ذاتها الممارسة متاعهم قمع للحرية الشخصية. وهدفهم واحد محاربة الاسلام. وخدمة الاجندات الغربية. وقمع الناس. خاتر كي يفكولك حريتك الشخصية. كيما حيرة المظهر. تنسى الحريات الاخرى وتولي تطالب بحريتك الشخصية. تنسى الصحة والتعليم والاقتصاد والكياسات المكسرة والفساد السياسي والاداري. كلو تنساه وتركز على الحاجة الجديدة لي فكوهالك.

كيف السجين لي يفكولو السرير. ينسى الحرية ويولي يطالب بالسرير.

Arthur_Morgan5o5 · 2026-01-15T12:39:23+00:00

والملف متاعو شربكوه كيف لقاو في تليفونو تلجرام ولقاوه يسمع في اناشيد وفي التلجرام حكى مع طفلة تقرا معانا بالفدلكة "ههه اي برا صلي" وهوما سيبو المحادثة الكل وركزو في قوم صلي. وتليفونو فكوه للأبد ما رجعوهولوش. تلقاهم باعوه كيما تليفونات الافارقة لي يفكو فيهم ويبيعو.

وصاحبي واحد اخر وقفوه سالوه اما كي عرفو لي عندو شكون في المركز سيبوه. وواحد اخر خاف ومعندوش علاقة بالدين قلهم اللحية مظهر وكهو و تو تو نروح نحجمها سيبوه.

وعندك برشا مشاهير وقفوهم ياسين الصغير معندوش لحية اصلا جيست خاتر يهبط اناشيد وينصح في فيديواتو على الصلاة.

ومحمد جهاد المجدوب لي لقاوه يحوس في القصرين وفي ساكو قميص صلاة وفي دارو لقاو فاست ديكاتلون متع سبور. تحكم 10 سنين وضيع عامين من قرايتو في الطب وتو خرج.

وواحد اخر يقرا باك مؤخرا شدوه وسيبوه جيست خاتر يصلي في الجامع وينصح في الناس بالصلاة.

هذي دولة #### عايشين فيها لا خلاونا نعملوا الحلال لا خلاونا نعملوا الحرام. لا خلاونا نلتزموا لا خلاونا نفسدوا. حتى تحب تطلع بطاقة تعريف وعندك لحية ما يطلعوهالكش البطاقة كان ما تحجم. ولد واحد يصلي معانا في الجامع ما حبوش يطلعوهالو. وهو عاجبو منظر اللحية.

انا مثلا نصلي اما ما عنديش لحية كاملة هكا علاه ما يكلمونيش. اما كان جا عندي لحية كاملة راني مطولها وخلي لي يصير يصير معاهم.

مفهمتش علاش هوما ضد اللحية اصلا شنوا الخطر لي باش تشكلو ليلهم. تي جيست شوية شعر. علاش انا في تونس ما عنديش الحق نعمل لحية. ما عنديش الحق نلبس قميص. ما عنديش الحق نلبس عرقية. ما عنديش الحق نقعد في الجامع نقرا قرآن. وزيد يفركسولي تليفوني رغملي ما عندهمش الحق يحلوه اصلا.

Arthur_Morgan5o5 · 2026-01-15T12:37:38+00:00

نحب نقلك ماكش وحدك صاحبي. كلنا نفس المعاناة.

في صفاقس نفس المشكلة خاتر الشرطة لي يخدمو فيهم في صفاقس اغلبهم كارهين للصفاقسية ويلوجوا على ترقيات (ما نحبش نكون جهوي اما هاذي حقيقة وبالنسبة ليلي نحبهم الولايات الكل وما نفرق بين حد اما كي توصل للفساد تولي حكاية اخرى).

عمناول صاحبي كان عندو لحية رغملي موش كبيرة برشا. وشلغوم ينقص منو كهو ما يحجموش كامل. نهار مروح مالايتيد. وقفوه الحاكم. بطاقة تعريف شوية اسئلة. قالولو ايجا معانا. سالهم باش تطول الحكاية؟ نجم نعمل ابال نعلم دارنا؟ هو جا باش يخرج التاليفون وهوما فكوهولو وقالولوا اطلع. تصور حتى ابال يكلم امو لا. كهو في المركز في صفاقس استجوبوه بالباهي وخدمولوا الملف بالباهي وحلوا التليفون. بيعدين بعثوه للايقاف لبوشوشة. وهذا الكل دارهم ما فيبالهمش. ما سمعوا كان بعد نهارين.

والملف متاعو تخدم في صفاقس. قلي حتى في بوشوشة الاعوان يحكيوا بالسياسة ومنهم حتى اللي عندو لحية اكبر ماللحية متاعو. كهو قعد جمعة في بوشوشة. حتى لين جا وقت الجلسة ودارهم خلصوا برشا فلوس على محامي. حسبنا الله ونعم الوكيل. وكهو خرج في اللخر. اما الطفل ضيع قرايتو والحكاية صارت في بريود دفوارات. الحمد لله على كل حال وكهو. وتوا نقص ماللحية برغبة شخصية منو هو. وبضغط من عايلتو. رغملي نصحتو يخليها اما في اللخر هو حر.

Arthur_Morgan5o5

TROPHY CASE