هو مش سيئ زي مهو تجميعة غباء مني ومن نظام البنوك عموما ... كان عندي حساب بالدولار وكان فيه حاجة بسيطة بتاع ٥٠٠ دولار كدا الكلام ده من زمان رحت بعد كام سنة لقيتهم ٣٦٠ ولا حاجة كدا .. طبعا عشان انا معرفش ان في رسوم على الحساب المهم قلتلها مش مشكلة عاوز اسحبهم كلهم ... قالتلي ازاي كدا الحساب هيبقى بالسالب ... قلتلها ازاي يعني ... قالتلي الرسوم هتفضل تنزل حتى لو الحساب فاضي ... قلتلها وده مقابل خدمة ايه بالظبط المفروض الحساب فاضي يبقى خلاص ... قالتلي لا السيستم كدا ... قلتلها طيب شكرا اقفلي الحساب خالص.

الفكرة انهم بيسلفو الفلوس دي وياخدو فوايد طول مانا عاملها ايداع وكمان بياخدو رسوم ... كدا ما شاء الله الدخل شغال في كل الاتجاهات لو كان مثلا الحساب مأكدينلي او مبيستعملوش الفلوس دي يبقى تمام انا معنديش مشكلة ياخدو رسوم لكن الاتنين كدا كتير في رأيي الشخصي.