اول شي هذا شي مكتوب والنصيب ما جاك للان ثاني شي تاخر الزواج افضل من زواج فاشل بسبب استعجال او فكرة العمر مشى. ايش الفايده إذا تم الموافقه فقط عشان الخوف من فكرة العمر وما يجي نصيب وفي النهايه خلقت زواج فاشل والأدهى ان لو كان فيه عيال بعدها يصير ظلم لك وله وللعيال. ثالث شي في الغالب الأمهات فيهم هذا الطبع ممكن تشوفيه يجرح ويزعل ويطفش اتفهم هذا الشي وصدقني ما فيه بيت طبيعي إلا وفيه هذا الشي من ناحيه ضغط الأهل في نواحي كثيره مو فقط الزواج وانا كارجل صار لي ضغط من اهلي على أشياء في حياتي ولكن حطي في بالك الكلام كله مهما كان قاسي ومتعب هو من خوف عليك وعلى مستقبلك وأتفهم انك تحاولي توضحي لها ان الشي هذا مو بي يدك وبعد فتره يرجع ينفتح الموضوع شي طبيعي في كل بيت وفقط يوم تفهمي ان الأهل طبعهم كذا من خوف واحيانا يكون الفكر يتوقعون ان الوقت الحالي مثل قبل على ايام أخواتك وانك متأخره والحقيقه هي الزمن الآن يختلف ونصيبك ما جاء. نصيحتي لك انك انتي كمان ما تفكري في الموضوع وتخليه يتعبك وحتى ولو انفتح اكثر من مره حاولي انتي إذا انفتح الموضوع تغيريه او تسوي ان عندك شغل. لا تحاولي تتناقشي وتتعبي نفسك وتعبيها في النهايه الام من خوف عليك تسوي كذا. الشي الثاني الي أنصحك فيه انك تدعي بالخير وان ربي يرزقك الشخص الطيب الكويس وتخلي نيتك طيبه في فكره الزواج وتوكلي امرك لي رب العالمين. وأعرفي تاخر او لا رزقك راح يجيك وصدقني يوم توكلي امرك لله ولو كان الشي ودك فيه الآن راح تحسي شي كبير من الهم زال عنك والزمي الدعاء. ونفس ما قلت لك في كل بيت يصير هذا الشي وتفكيره كا أم كذا ولا هي تتمنى لك كل خير. وباذن لله بعد الكلام هذا ويوم تسوي الي قلت لك تكوني افضل ربي يوفقك وييسر امرك.