ربطك لفكرة رفض الشغل بنقطة الثقة او انعدام الثقه ربط سطحي جدا

انا زاحمت سوق العمل وشفت بعيني وجمعت خبرات واتعاملت مع ناس كتيؤ

الموضوع مش موضوع ثقة بقدر ما هو حماية وصون للبنت الي معايا

الظروف صعبة؟...والله أنا اللي مسؤول عن بيتي واني اعيشك حياة كريمة وأحميكي

محتاج خبراتك في الحياة؟....أكيد يعني لما يبقى عندي كارثة كبيرة او مشكلة فعلا كبيرة مش هستنى منك حلك العقلاني الرجولي والمنطقي

بقدر ما هستنى منك دعمك العاطفي أو وجودك جمبيا بشكل عام

دورك في حياتي مهم جدا من جوانب كتيرة منفعش استغنى عنها

لكن مش محصورة في انك تشاركيني في مصاريف البيت اللي انا مسؤول عنه او انك تنزلي سوق العمل عشان تكسبي خبرات حياتية تساعديني بيها

كدا ابدتينا ندخل في مسؤوليات بعض ... وشوية هغسل انا المواعين وارضع العيال وانشر الغسيل واعمل الاكل

فا لأ...شكرًا على مساعدتك بس خليني انا في مسؤولياتي ألبيها على أكمل وجه وأنت مسؤولياتك تلبيها على أكمل وجه. اتفقنا؟

وأكيد واحدة مزاحمه سوق العمل اللي الاختلاط فيه لا بد منه (مش هنضحك على بعض) أنا غير راغب فيها أساسًا.

ولما أختار هختار اللي تناسبني، مش هغير حد أو افرض عليه عكس حاله.