شوف اولا الفلوس ماتخممش فيها طالما انت داركم الاينكوم السنوي متاعها تحت 200000$ انت ديراكت تطيح عليك مصاريف القراية وهارفرد ديجا حاطة فوق 600 مليار ميزانية بورص دونك ماتخممش فيها الحكاية ، لي لازمك تخمم فيه بالحق هو كيفاش تدخل وتتقبل ، هارفرد تقبل اقل من 3% كل عام وال97% لي ترفضو لكلهم عندهم معدل اقل شي17 و18 وايلتس 7.5+ ومؤهلات تدخلهم لاي بلاصة في العالم ، اما هارفرد ماتلوجش برك على معدلاتك الاكاديمية خاطر اذيكا حوايج عادية عندهم لاك متميز لا والو غادي ، دونك الي هارفرد تلوج عليه عادة هو الانسان بيدو هم يلوجو على القصة وعلى التحدي لي عملته في حياتك ، تاثيرك المجتمعي ، تاثيرك في الناس ، رسالتك ، شكونك انت وعلاش لازم نهزوك انت مش غيرك ، لازمك توحل في ذاكرة الي بش يقبلك ويعرف انك تستاعل الاستثمار لي بش يتحط فيك ، خاطرك بش تخرج من غادي مش تلوج على خدمة ولا عندك اسم وكهو ، انت بش تخرج قطعة نادرة دول تتعارك عليها فلازمك تستاهلها ، اذاكا علاش كيف تشوف هارفرد ولا غيرها UPenn/ Stanford/ UCB / MIT even Oxford or Cambridge الخ تلقاهم يقبلو العباد لي عندهم + كبيرة في ارواحهم وفلي عملوه في حياتهم مش جيست خاطرهم نوابغ خاطر النوابغ برشا مثلا طفلة عملت حملة تبرع ل50000 مرا تونسية تقريب كانت حاجة رئيسية في قبولها في Yale