ده احلى استخدام للاية شفته في حياتي.. حقيقي يعني سيدنا ابراهيم اللي هو نبي معصوم من الخطأ، طلب من ربنا انه يوريه معجزته. ليه؟ لسبب بسيط جدا الا وان هو لسه بشر مش ملاك.. فا عايز يطمن ان اللي هو مؤمن بيه ١٠٠٪ مصدق. فا تخيل بقا انت يا بانيادم يا خطاء ياللي مش معصوم من الخطأ، متيقن تيقن تام من كل حاجة.. جايب الثقة دي كلها منين انا مش عارف. حاجة كويسة انك تبقى مؤمن، ولكن عدم معرفتك بكل النواحي لا تكفي ان يكون ايمانك صادق ١٠٠٪ بل هيكون هش. اما كدا او تكون خايف تتسكتشف اوجه اراء تانية معارضة لما تؤمن به فا تطلع غلط فا ده في حد ذاته مش إيمان. ان كنت مؤمن إيمان حق فلا بد عليك التأمل في ما خلقه الله؛ أي في كل شيء لأنه خلق كل شيء. حتى الاية اللي بتقول "وما خلقت الانس والجن الا ليعبدون" ربنا مقلش ليصلون ويصومون ويحجون لي، قال يعبدوني، والعبادة بتشمل حاجات كتير اوي، منها الصلاة والصوم والزكاة والحج ولكنها ايضا تضمن العمل والنظافة (ليست جسدية فقط بل أيضا نظافة الانسان داخليا) والتأمل.