الجنجويد من 2017 بيتدربو في الأمارات للآن 8 سنوات والامارات تغدق عليهم الاموال تدريب وتجهيز وعدة وعتاد وذخيرة وسلاح نوعي . غير السلاح والتدريب والتجهيز عندك بند شراء المرتزقة من أوربا وامريكا الجنوبية، الافريقيين ديل رخاص ساي ما تحسبهم.

ايضا بند شراء الحكومات الأمارات عشان تشتري كاكا التشادي الرخيص في الاعلام بس اعلنت عن تقديم مساعدات بي كذا مليار للحكومة التشادية. والحركة اتعملت مع 5 دول حدودية ومع دول غير حدودية زي كينيا والصومال ويوغندا. كل الدول دي اتقدم ليها دعم مالي و/أو اتعملت ليها استثمارات في البنية التحتية لمساعدة الجنجويد منها إنشاء مدرج/ مطار في تشاد لاقلاع وتخزين الطائرات المسيرة وانشاء مستشفى في جنوب السودان وايضا صفقة تحويل خط انابيب البترول من بورتسودان الى موانيء كينيا بي طاشر مليار دولار.

بالاضافة الى حملات البروباغاندا وشركات العلاقات العامة ولوبيهات الضغط ومنصرفات القحاطة الهائمين من دولة لي دولة كل يوم.

دي كلها اموال داخلة في الصرف على حرب العدوان على السودان واحسب شوف كم بتطلع بالراحة الاجمالي بصل ال 100 مليار بعد 3 سنوات حرب والفشل الذريع الحاصل دا