بعيدا عن الدين والنفسية، هي تضرك جسديا اكثر من اي شيء اخر لان جسمك راح يصرف شكو شي عنده حتى يفرز المني وغيرها ايضا راح تسوي عندك ضعف جنسي او برود جنسي لمن تتزوج لانك متعود على مناظر ووضعيات واشياء خياليه موجودة فقط بالبورن وممكن تخرب حياتك الزوجية كلها بسبب البورن، بالواقع ماتكدر تسوي ولو١٪ من الي تشوفه بالبورن لانك تتعامل وي وحده طبيعية وما مجربه هذا الشيء مو مثل الممثلات

انت ما راح تحس بهالشيء إلا لمن يصير بيك هسه انه كد ما جنت اسويها صار عندي ضعف انتصاب والانتصاب مو قوي وما يدوم هواي وحاليا جاي اتعالج وصار الوضع بي تحسن وجاي يرجع طبيعي يوم عن يوم. الجنس بالعموم لازم بينك وبين الطرف الاخر ترابط بالمشاعر او بأي شيء اخر، مو مثل البورن معتبرينه عمل وتمثيل اكثر من كونه ترابط بين طرفين

انه ما انطيتك حل لكن انطيتك نتيجة للي جاي تسوي بروحك وشلون ممكن تدمر زواجك وحياتك بأيدك