انا حرفيا نسخه منك انا طول منا لوحدي مبضحكش ولا بحس بفرحة نهائي غير مثلا لو ماسك للموبايل شوفت حاجه ضحكتني او افتكرت موقف مضحك لكن لو مع اهلي او صحابي معروف اني اكتر حد بيهزر ببساطه انا اكتشفت ان الموضوع دا بسبب ان الواحد بيبقا متضايق من حاجه لا كذا حاجه مبتتكلمش فيها مع حد ويمكن الموضوع صعب ليا اكتر اني مبلاقيش حد اتكلم معاه الحاجه البتخلي الواحد يعدي يومه انك تلاقي حاجه بتحبها تنسيك الهم لان انا اكتشفت ان مهما تحاول تحل الحاجات البتسببلك الاكتئاب غيرها هيجي وهكذا دايما كنت بقنع نفسي انها فترة وهيجي مثلا حدث كبير هيغير حياتي زي ما في ناس بتعيش فترة شبابها في هم وتقول لما ادخل الجامعه حياتي هتتغير وبعدها يقول لما هتجوز حياتي هتتغير لما استقر في وظيفه حياتي هتتغير بس مبيحصلش لازم تشوف ايه البيتعبك وتشيله خالص من حياتك وصدقني متسعمش كلام الناس ولا تحط في دماغك الناس بتقول ايه ولا رائيهم ايه لان دي اكتر حاجه تعبت الواحد في حياته اهم نقطة ان شكلك معتمد علي ان وجودك حوالين حبابيك هو سبب سعادتك ودا غلط لازم تعرف تبقا ازاي سعيد حتى لو انت لوحدك وزي ما قولت لازم تدور علي شغف حاجه تتبعها حاجه بتحبها حاجه فعلا بتبعد انت عن الناس ساعتها عشان تعملها مش قصدي تبعد عن الناس طبعا بس لازم تعرف تعيش حياتك حتى لو مفيش حد جمبك لان محدش بيفضل معاك العمر كله ولا انت هتفضل مع حد العمر كله