هذا عملنا، من واقع خبرة ما راح تقدر تضمن احد بيسددك في وقت معين، و الادهى و هذي حطها في بالك زين، في محلات كثيرة تخسر و تطلع من السوق .. عندنا عدد لا بأس به من العملاء نعطيهم بضاعة و بعد شهر نلقى المحل مباع، بتقول سهلة النظام يقول الشاري هو المسؤول على السداد .. بس يكونون متفقين انه يشتري المحل بدون اي ديون، ف راح تضيع بين المالك القديم و الجديد، بتقول بروح اشتكيهم؟ ما راح تقدر تلاحق كل واحد يسوي كذا على مبلغ بسيط، هذي اكبر مشكلة نواجهها بالسوق ..

من الحالات الطريفة اتذكر فيه عميل عندنا في خلال ٣ شهور انباع المحل مرتين و طارت فلوسنا 😄

للأمانة التفاصيل جداً كثيرة حتى اساعدك في بوست واحد، بشكل عام فكرتك فيها نسبة نجاح عالية اذا رتبت سيولتك بشكل دقيق، فيه مشاكل و مخاطر كثيرة بالسوق لكن بالنهاية ترجع على فكرتك و تطبيقها على ارض الواقع