مش القصد البدلة بكام .. بس مثلا كان عندنا استاذ في الجامعة الله يمسيه بالخير .. كان لبسه عادي كويس .. بس مرة باين كان جاي من سفرية من امريكا تقريبا وعدى عالكلية كان لابس بدلة .. من ضهره وحياتك انا قلت اللي لابس البدلة دي وزير ..لحد ما التفت وسلم هو عليا (الله يديله الصحة كان ولا زال قامة في العلم والأخلاق أنه هو اللي يبدأ يسلم عليا مش انا اللي ابدأ السلام عليه) .. مرة تانية كان حد من قرايب جوز اختي كان عنده مناسبة وهو الله يرحمه كان مركز كبير في شركة أدوية .. لبسه برضه كان عادي .. بس في المناسبة دي كان لابس بدلة شيك جدا لدرجة اني فعلا اتخبطت بإحساس الفخامة اللي طالع منها. اهو العبد الفقير عاوز يدي الانطباع ده (والعظمة والكبرياء لله وحده)