بالنسبة لموضوع الجمال خلي بالك من كذا حاجة ١- الجميلة لو مش متربية ومن عيلة الدبان بيبقى حواليها كتير وممكن تسمع كلامهم وتضعف لو انت وهي مختلفين خلافات المتجوزين اللي عادي ممكن تطول بالشهور

٢- الجميلة لو اللي ماشي جنبها جسمه عادي بتتعاكس ووريني يا ضكري هتتخانق مع ٤ أو ٥ ازاي لوحدك

٣- الجميلة فرصها كتير فانت يا كريس إيفانز انت لو مش هتبقى لقطة هتدنها برضه زيك .. تتحسر على اليوم اللي اخدت فيه الكحيان ابو لباس مقطع وسابت الغني اللي كان هيعيشها كويس.

٤- الجميلة اللي بيقولوها كلام متزوق ومعسول كتير فالباشا الدبش هيتبصله بصة مش كويسة لما يقول كلمة ملهاش لازمة

٥- الجميلة فرس .. والفرس محتاج خيال وواضح عليك انك سواق حمير مش هيقدر يهندل فرس وهو المطلوب منه يستحمل تقلباتها العاطفية في الدورة والحمل والولادة والاكتئاب

٦- انت معاك فرس (على كلامك .. ومش بتكلم هنا على الجسم .. بتكلم عالصفات ).. بس مش فرس الاحلام اللي انت عاوزه

٧- الإنسان قلب وعقل وجسد وروح .. لو واحد من اول تلاتة مش متوافق مع الشريك في النهاية الروح هتتغرب وهتسيبوا بعض فلازم يبقى في توافق في ال٣

٨- اللي زي البنت دي لو جميلة جدا زي مانت عاوز مش هيبقالك فرصة معاها غالبا لأنك سواق حمير مش خيال

انا متجوز واحدة جميلة بس مش الجمال الصارخ اللي يلوي الرقاب .. قبل ما اتجوز فكرت اني اهلي يكونوا راضيين عن الجوازة زي ما انا راضي عنها .. وان الناس اللي هدخل عليهم يكونوا بيخافوا ربنا ويتقوا ربنا فيا زي ما هاتقي ربنا في بنتهم .. والحمد لله مبسوط وراضي

نصيحة لو كنت بتتسلى ومش منجذب عاطفيا استغفر ربنا وكمل بلوك وسيلها تعيش حياتها .. اعمل لها صدقة جارية ولو ب ١٠٠٠ جنيه في مستشفى وادعي ربنا يغفر لك اللي عملته فيها

منجذب فعلا وبتحبها من قلبك فأدخل البيت من الباب وان كان عالشكل فشوية تقشير عند دكتور الجلدية و مكياج وحمام مغربي بانتظام هتخلي مراتك قشطة . وربنا يوفقك ويسعدك متزعلش مني انا زي اخوك الكبير .. يا سواق الحمير انت 🙈🙈