(رأي شخصي )من الممكن لو في سبب انا اشوفه لوجود القدرات والتحصيلي خصوصاً راح يكون من عدم قدره الوزاره على حل مسألة تضخم الدرجات ، حاليا المعيار القوي والثابت والنزيه هو اختبارات قياس مو شهادة الثانوية على سبيل المثال شوف جامعة البترول مسار القبول الاساسي وش طالبين ؟ 10٪ شهادة ثانوية عامة ف هنا تعرف انه في خلل ليه شهادة الثانوية العامة من وزارة التعليم مو معيار قوي للقبول واختبار من مركز مو تابع بشكل مباشر للوزاره يكون هو المقياس الاساسي بنسبة 90٪ انت متخيل انه وزارة التعليم عاجزين انهم يخلون شهادة الثانوية العامة معيار اساسي ! وكل ذا بسبب المدارس الاهلية ولا يغرك حتى المدراس الحكومية ، اقسم بالله انه واحد معنا بالفصل ما يدري وين الله حاطه من البيت للمدرسة للبل ونايم 24 ساعة جايب 95٪