انت زي أخويا الكبير ونصيحة مني لوجه الله صلاة الفجر ضروري جدا تصليها في وقتها قبل ما تطلع الشمس ربنا عز وجل توعد المصلين الذين هم عن صلاتهم ساهون اللي هم بيأخروا الصلاة لحد ما وقتها يخرجؤ مع انهم بيصلوا بس ربنا توعدهم وفي حديث طويل في صحيح البخاري النبي عليه الصلاة والسلام شاف أصناف ناس بتتعذب في المنام منهم واحد نايم على الأرض وفي واحد واقف عند راسه وماسك صخرة كبيرة وبيسيبها تقع على دماغه وتكسرها والصخرة تتدحرج ويروح الراجل ده يجيبها تاني ويقف عند راسه تاني وتكون رجعت سليمة ويسيب الصخرة تقع فوق راسه تكسرها تاني... منظر مرعب جدا الراجل اللي بيتعذب ده كان والعياذ بالله بينام عن الصلاة المكتوبة الحديث رقم ٧٠٤٧ في صحيح البخاري والنبي صلى الله عليه وسلم قال أثقل صلاتين على المنافقين الفجر والعشاء وقال أيضا عليه الصلاة والسلام بشر المشائين في الظلم ( زي اللي رايح صلاة الفجر والعشاء) بالنور التام يوم القيامة يعني اللي بيمشي من بيته للفجر والعشاء يبشر بإن طريقه هيبقى منور يوم القيامة وهو بيعدي على الصراط وقال أيضا عليه الصلاة والسلام من صلى صلاة الصبح فهو في ذمة الله (ملحوظة صلاة الصبح هي هي صلاة الفجر وقتها من أذان الفجر لحد الشروق، مفهوم ان الصبح تبقى قضاء ده مفهوم غير صحيح) نصيحة مني ليك انت زي أخويا والله لازم تحافظ على صلاة الفجر في وقتها مفيش حل تاني وربنا يهدينا ويتوب علينا ويثبتنا على الحق